Urkunde Nr. 2356 aus Band V

Seite im UB:

42-43

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

2356

Im Lager bei der Furt Tydwrew 1439 September 14 König Albrecht entsetzt den verräterischen Kellinger Pfarrer Laurentius seiner Stelle, lässt den neugewählten Pfarrer Ladislaus in sein Amt einführen und beauftragt den Bischof von Weissenburg, diesem die Bestätigung zu erteilen.

Von der Kanzlei: Relatio Henning melitis et Emerici vaivodae.

Nos Albertus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex et dux Austriae et cetera memoriae commendamus tenore praesentium quibus expedit universis, quod ex fama relatu fide dignorum nobis patefacta intelleximus, quomodo quidam iniquus¹⁾ Laurencius presbyter alias plebanus villae nostrae Kelnek vocatae, cum quibusdam perversis suis consodalibus, eiusdem scilicet villae inhabitatoribus quondam castrum in eadem villa Kelnek habitum, in anno proxime transacto, dum saevissimi Turci partes nostras Transilvanenses hostiliter subintrando devastassent, ac ipsum castrum ad expugnandum obsedissent, paucis, immo quasi nullis per eosdem Turcos habitis praeludiis, eisdem Turcis nequite et ex praeconcepta malicia tradiderunt, ex cuius castri traditione innumerabilis christianissima populorum multitudo per rabidas manus paganorum necata, et in perpetuam, proch dolor, deducta fuisset servitutem. Ob hocque ipse Laurencius presbyter, qui tam detestabile crimen notoriae infidelitatis, quod in totius orthodoxae fidei ingens detrimentum et sacerdotalis dignitatis scandalum vergit manifestum committere non expavit praedicta plebani [a nec im]²⁾ merito censetur fore privandus, nosque ecclesiae parochialis [ ]³⁾ villae nostrae Kelnek et inhabitatoribus eiusdem de idoneo plebano et rectore animarum voluimus providere, consideratis et attentis vitae virt [ ]⁴⁾ venustate et literarum serie sufficienti peritia aliarumque virtutum et probitatum indiciis, quibus discretus vir Ladislaus presbiter [ ]⁵⁾ ipsius villae Kelnek electus plebanus per communitatem [ ]⁶⁾ nostro in conspectu relatibus fidedignis meruit commendari, [ ]⁷⁾ ecclesiae parochialis praetactae villae Kelnek, rationibus ex praemissis, uti fertur, rite et legitime vacantis, simul cum cunctis suis [ ]⁸⁾ iuribusque et iurisdictionibus eidem Ladislao presbitero, nostri iuris patronatus auctoritate duximus conferendum, et de eadem [ ]⁷⁾ providendum, imo conferimus et providemus praesentium per vigorem. Quocirca vobis fidelibus nostris devoto dilecto reverendo in <Christo patri>⁵⁾ Georgio episcopo ecclesiae Transilvanae ac suo vicario in spiritualibus generali, idem vitrico et iuratis ac ceteris populis et Saxoni-[S. 43] [bus]⁹⁾ villae nostrae Kelnek firmissime praecipimus et mandamus, quatenus vos domine episcope aut vicarie, annotatum Ladislaum presbite[rum in prae]¹⁰⁾-tacta plebania, servatis de iure servandis, vestra ordinaria auctoritate. confirmare, ac de eadem sibi denuo et ex novo providere, vos autem villice, iurati seniores et Saxones praefatae villae Kelnek annotato Ladislao presbitero tamquam vestro vero plebano, et tutori animarum vestrarum, in omnibus licitis et consuetis obedire, decimasque et ceteros proventus sibi vestri parte provenire solitos locis et temporibus consuetis extradare modis omnibus debeatis. Et aliud facere nun praesumatis gratiae nostrae sub obtentu. Praesentes quoque post earum lecturam semper reddi iubemus praesentanti. Datum in descensu nostro campestri prope vadum Tydewrew vocatum in festo exaltationis sanctae crucis, anno domini millesimo quadringentesimo tricesimo nono.
Unter dem Siegel Kanzleivermerk.


1) Vorlage iniqus.^{^}
2) Lücke 1,2 cm.^{^}
3) Lücke 1,1 cm.^{^}
4) Lücke 2,4 cm.^{^}
5) Lücke 2,8 cm. [2x]^{^}
6) Lücke 0,9 cm.^{^}
7) Lücke 3,4 cm. [2x]^{^}
8) Lücke 3,6 cm.^{^}
9) Lücke 2,1 cm.^{^}
10) Lücke 0,9 cm.^{^}