Urkunde Nr. 2357 aus Band V

Seite im UB:

43-44

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 84.

Druckvorlage:

nach Original

Abdruck als:

Volltext

Sprache:

Latein

---

2357

Im Lager bei der Furt Tydwrew 1439 September 14 König Albrecht verbietet dem siebenbürgischen Bischof Georg und allen Adligen und Grundbesitzern in Siebenbürgen, Iobagyen, die ihren Grundzins entrichtet haben, an der Übersiedlung auf Königsboden zu hindern bzw. königlichen Untertanen, die sich vor den Türken auf Adelsboden geflüchtet haben, die Rückkehr zu verwehren.

Von der Kanzlei: Commissio propria domini regis.

Albertus dei gratia Romanorum rex smper augustus ac Hungariae, Bohemiae, Dalmaciae, Croaciae et cetera rex et dux Austriae et cetera fidelibus nostris reverendo in Christo patri domino Georgio episcopo ecclesiae Transsiluanae ac universis et singulis nobilibus et alterius cuiusvis status et conditionis possessionatis hominibus partium nostrarum Transsiluanarum praesentium notitiam habituris salutem et gratiam. Ex insinuatione fidelium nostrorum universorum et singulorum Saxonum earundem¹⁾ partium nostrarum Transsiluanarum nostra intellexit serenitas admodum displicenter, quod licet ipsi exponentes Saxones et alterius cuiusvis status homines, qui de possessionibus et villis nostris regalibus ac eorum medio ad vestras aut alterius vestrum possessiones se morandi causa transferre vellent, sine omni contradictione abire permitterent. Tamen vos, nesciretur quo motivo ducti, nostros iobbagiones et iobbagionalis conditionis homines iuxta antiquam et approbatam dictarum partium nostrarum Transsiluanarum consuetudinem, habita licentia iustisque terragiis depositis ac aliis eorum debitis persolutis, de vestris possessionibus ad possesiones nostras regales ac in medio dictarum exponentium transferre volentes moraturos abire et recedere non permitteretis imo etiam alios iobbagiones nostros regales, qui [S. 44] pridem ob metum et formidinem saevissimorum Turcorum, dum iidem Turci partes nostras Transsiluanas praedictas hostiliter subintrantes devastassent, ad vestras tenutas et possessiones pro tuitione personarum atque rerum suarum transtulissent, ad pristina eorum habitacula remittere hactenus recusassetis et recusaretis de praesenti, quod in nostrae maiestatis displicentiam ac desolationem possesionum et villarum nostrarum cederet satis grande. Unde nos contra consuetudinem praedictarum partium nostrarum Transsiluanarum talismodi praeiudicia et iniurias nostris possessionibus et villis et consequenter nostrae maiestati per vos inferri nolentes vestrae universitatis et cuiuslibet vestrum fidelitati firmissime praecipimus et mandamus, quatenus alio nostro mandato superinde non expectato universos populos vestros et iobbagiones, qui ut praemittitur iuxta praedictarum partium nostrarum Transsiluanarum consuetudinem habita licentia ac iustis terragiis depositis aliisque eorum debitis persolutis, de praedictis vestris possessionibus ad possessiones nostras regales praenotatas abire et recedere permittatis. Insuper praescriptos nostros regios iobbagiones, qui ut praefertur se ob metum et formidinem annotatorum Turcorum ad vestras possessiones pro tutione personarum ac rerum suorum transtulissent, ad pristina eorum habitacula remittere et remitti facere modis omnibus debeatis, alioquin commisimus et harum serie firmiter committimus fideli nostro magistro Desew de Losoncz partium nostrarum Transsiluanarum vaivodae, ut ipse scita veritate praemissorum vos et vestrum quemlibet ad praedictorum mandatorum nostrorum plenariam observationem cum solitis et opportunis gravaminibus arcius compellat et astringat nostra auctoritate sibi praesentibus in hac parte attributa et iustitia mediante. Aliud ergo nullo modo facere praesumatis gratiae nostrae sub obtentu. Praesentibus perlectis exhibenti restitutis. Datum in nostro descensu campestri prope vadum Tydewrew vocatum in festo exaltationis sanctae crucis, anno domini M^o CCCC^o XXXVIIII^o.

Auf der Rückseite von einer Hand des 15. Jahrhunderts: Litera regalis.


1) Vorlage eorundem. ^{^}