Urkunde Nr. 4778 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 461.

Druckvorlage:

nach Original

Abdruck als:

Volltext

Sprache:

Latein

---

4778

Gurghiu 1488 April 14 Der siebenbürgische Vizewoiwode Stephan von Telegd trägt dem Obergespan und den Adelsrichtern des Weissenburger Komitats auf, die Einwohner von Rosch, die von jeder Steuerleistung befreit sind, nicht zu behelligen.

Stephanus de Thelegd vicevaivoda Transsilvanus nobilibus viris comiti vel vicecomiti et iudicialium comitatus Albensis Transsilvanae debitam reverentiam cum honore. Exponitur nobis in persona circumspecti Georgii Zabo, vitrici ecclesiae beatae Mariae Virginis civitatis¹⁾ Cibiniensis quomodo regia maiestas mediantibus literis suis exemptionalibus possessionem²⁾ dictae ecclesiae virginis gloriosae Rawas vocatam in comitatu Albensi praedicto existentem consequenterque populos et inhabitatores eiusdem possessionis Rawas a solutione quarumlibet taxarum suae maiestatis scilicet aliarum pecuniarum udvarnicalium exemptam et supportatam habere, prout etiam nos dictas literas regias exemptionales coram nobis productas dare conspeximus. Non enim nos bona eiusdem ecclesiae virginis piae contra libertatem eiusdem impedire et molestare seu quoquomodo damnificare³⁾ ac dampnificari per quempiam volumus. Nunc autem intelleximis, qualiter vos dictos populos et inhabitatores praefatae possessionis Rawas occasione non restitutionis quarundam pecuniarum udwarnicalium brevi agravessetis, quosdam equos equatiales eorundem aufferendo. Ideo requirimus vos et nihilominus vobis in persona domini nostri gratiosi firmiter committimus, quatenus agnitis praesentibus dictos equos equatiales praefatorum populorum et inhabitatorum dictae possessionis Rawas per vos ratione praevia ut dicitur ablatos eisdem pacifice et quiete ac absque omni difficultate aliquali reddere et restituere debeatis et teneamini. Secus non facturi. Praesentibus perlectis exhibenti restitutis. Datum in castro Gewrgen feria secunda proxima post dominicam Quasimodo, anno domini et cetera LXXX^o octavo.


1) Über der Zeile.^{^}
2) Vorlage possessiones, s auf Rasur.^{^}
3) Hierauf gestrichen vo.^{^}