Urkunde Nr. 2380 aus Band V

Seite im UB:

57-58

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

2380

Waldhütten 1440 August 2 Nikolaus Apa von Malmkrog beurkundet seinen und seiner Nachkommen Verzicht auf das Gräfenamt von Birthälm.

Ego Nicolaus filius Appa de Almakrek meo ac omnium et singulorum quorumcumque meorum ac fratris mei Georgii alias defuncti piae memoriae heredum nominibus, praesentibus pariter et futuris masculini et feminini sexus recognosco publice et ultro ac manifeste profiteor, quod quemadmodum sagaces et circumspecti viri hospites et inhabitatores fori de Byrthalm, Transsiluania existentis mihi et Georgio fratri meo praefato comitatum seu grebyatum ibidem in Byrthalm cum universis et singulis suis iuribus et pertinentiis sponte et amicabiliter contulerant per nos ac nostros veros heredes in perpetuum possidendum; ita et nos vice versa sponte libere at voluntarie ac bona deliberatione praevia eundem comitatum seu grebyatum cum dictis suis iuribus et pertinentiis meo ac praefatis nominibus antelatis hospitibus et inhabitatoribus in Byrthalm restituimus et redonamus pleno iure unacum aliis quibusuis hereditatibus quocumque intitulentur nomine si quae sint, quo ad nos pertinerent seu quouismodo possint pertinere eius temporibus per eos pacifice sine mea et meorum ac fratris mei praefati heredum quocumque repetitione, molestatione, perturbatione et inquietatione possidendum integre cedendo eis ab eodem comitatu seu grebyatu et omnibus hereditatibus, si quae sint ac omni iure nobis quouismodo competenti renuntiando promittens etiam bona fide pro me ac heredibus meis et fratris mei praesentibus et futuris quibuslibet, quod si quis foret, qui dictos hospites et homines de Byrthalm quantum ad praemissa impetere aut in iudicio vel extra eos convenire vel alias molestare seu inquietare vellet, extunc tenemur volumus et debemus adiunctis mihi per eos uno vel duobus probis et sagacibus viris pro et cum eis meis in expensis respondere et eos in praemissis defensare, manutenere et conservare fideliter eis in omnibus hoc negotium concernentibus assistendo contra huiusmodi impetitorem quocumque nomine censeretur. Si vero mi viam universae carnis migrare contingeret, extunc etiam mei et fratris mei heredes pari sorte dictis inhabitatoribus debent et tenebuntur eadem fide assistere et in dictis comitatu et aliis hereditatibus, si quae forent, praelibatos hospites defensare et manutenere. Ut autem haec rata et impermutabilia permaneat et ne per nos¹⁾ vel successores nostros valeat in posterum infringi, praesens scriptum sigilii mei appensione et duarum sedium feci roborari praesentibus his testibus illumi[S. 58] nato domino Johanni de Burnequel, sacrae theologiae doctori, abbate de Candelis, Nicolao plebano de Walthudia, Michaeli plebano de Capsch maiori, baccalaureis in jure, Johanni comiti de Walthudia, villico et ceteri seniores de Walthudia et aliis quam plurimis viris fide dignis. Acta sunt haec in Walthudya domini plebani in domicilio in crastino sancti Petri in vinculis, anno domini millesimo quadringentesimo quadragesimo.


1) Vorlage los. ^{^}