Urkunde Nr. 272 aus Band I

Seite im UB:

200

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

272

1295 Petrus Bischof von Siebenbürgen überträgt die Seelsorge in der Pfarrei Unterwallendorf dem Spitalkaplan zu Bistritz.

Ita nos horrendi criminis atrocitas plebesanorum de inferiori Waldorf astringit, ut parricidialibus exemplis detestemur eosdem et ecclesiam eorundem utcumque destitutam, iudicaremus desolationi derelinquendam. Sed nos Petrus miseratione divina episcopus Transiluanus eorum sacrilegam consuetudinem declinantes, religioni ecclesiasticae duximus consulendum, ut privatis ipsis, qui ferro necare didicerunt pastores et ministros, eo quod duos successive interfecerunt sacerdotes, curatores scilicet suarum animarum et unum clericum, iure praesentandi, quam ex consuetudine terrae retinebant ab extrinsecus positis sacerdotibus, videlicet a capellano magistri hospitalis de Byzterce, cui hospitali ecclesiam eandem cum omnibus iuribus suis, salvis tamen hiis, quae nobis ab eadem ecclesia debentur, praesentibus subiicimus et subiectam esse ostendimus gubernetur, ut tanti furoris materia subtrahatur, si persona, in quam possit haec acerbitas perpetrari, consistens ibidem defuerit vel deficiat et in quem vel in quos ulterius desaeviant, non habebunt. Egeat itaque proprii sacerdotis subsidiis, sed non deficiat aliunde praestolandis. Propter quod tu fili magister hospitalis praedictae ecclesiae in hoc statu positae ministerium officii in ipsa plebe tibi creditum cum summo religionis affectu dispenses, ut tamquam fidelis dominicorum talentorum dispensator, multiplicato talento audire merearis, intra in gaudium domini tui. In cuius rei testimonium et perpetuam firmitatem praesentes concessimus literas sigillo nostro consignatas. Datum anno domini M^o CC^o nonagesimo quinto.