Urkunde Nr. 2392 aus Band V

Seite im UB:

64-65

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 97.

Druckvorlage:

nach Original

Abdruck als:

Volltext

Sprache:

Latein

---

2392

Gran 1440 November 29 Dionysius, Erzbischof von Gran, bestätigt die Urkunde des Graner Erzbischofs Nikolaus von 1359 Nr. »747 mit der Urkunde des Erzbischofs Nikolaus von 1355 Nr. »688, enthaltend die Urkunde des Erzbischofs Chanadinus von 1343 Nr. »593, den Schutz der Abtei Kerz betreffend und bestimmt die Aebte von Bulcs und Kolozsmonostor und die Dekane des Hermannstädter und des Kronstädter Kapitels zu Hütern der Freiheiten dieser Abtei.

Nos Dionisius miseratione divina sanctae Romanae ecclesiae tituli sancti Ciriaci in termis presbiter cardinalis, archiepiscopus ecclesiae Strigoniensis locique eiusdem comes perpetuus, primas et apostolicae sedis legatus natus ad univerorum notitiam praesentium serie volumus pervenire, quod venerabilis et religiosus vir dominus frater Johannes abbas monasterii beatae virginis de Kyrch in nostri praesentia comparendo exhibuit nobis quasdam literas privilegia-[S. 65] les piae recordationis quondam reverendissimi in Christo patris domini Nicolai archiepiscopi ecclesiae Strigoniensis praefatae, pendenti et oblongo eius sigillo signatas tenoris sequentis supplicans nobis humiliter, quatenus easdem per praesentes literas nostras renovare, ratificare et confirmare dignaremur. Quarum literarum tenor is¹⁾ est¹⁾: (Folgt die Urkunde des Erzbischofs von Gran Nikolaus von 1359 Nr. »747 mit seiner Urkunde von 1355 Nr. »688 enthaltend die Urkunde des Erzbischofs Chanadinus von 1343 Nr. »593 betreffend den Schutz der Abtei Kerz.) Nos igitur supplicationibus dicti domini Johannis abbatis annuentes de plenitudine nostrae potestatis suprascriptas literas sanas praesentibus literis nostris exemplari et inseri faciendo per totum acceptamus, approbamus immo perpetuo valituras confirmamus. Quapropter vobis venerabilibus et honorabilibus dominis Bulchiensi et Colosmonstra²⁾ abbatibus ac³⁾ Cibiniensi et⁴⁾ Brassoviensi decanis praesentibus et futuris communiter et divisim ita, quod unus alium non exspectet in praemissis exequendum ac alter per alterum se non excuset⁵⁾ in virtute sanctae obedientiae et sub excommunicationis poena praescripta firmiter praecipiendo committimus et mandamus, quatenus auctoritate apostolica et nostra ordinaria in hac parte vobis per praesentes plenariae attributa, totiens quotiens fueritis requisiti, suprascriptas literas per omnes suos articulos, clausulas et tenores ut iuris fuerit observare et debitae executioni contra quosvis demandare dictamque abbatialem ecclesiam de Kercz⁶⁾ in suis iuribus, privilegiis et praerogativis iuxta iuris permissionem liberam, pacificam, quietam et indempnem conservare et manutenere debeatis opportunis et legitimis ecclesiasticis censuris et clavibus mediantibus. In cuius rei testimonium praesentes literas nostras appensione pontificalis nostri sigilii roboratas duximus concedendas. Datum Strigonii in vigilia festi beati Andreae apostoli, anno domini millesimo quadringentesimo quadragesimo.

Auf der Rückseite von einer Hand um 1500: Literae Dyonisii super commenda abbatis Kerch.


1) Auf Rasur.^{^}
2) Zweites Original Buchiensi vel de Kolosmonostora.^{^}
3) Zweites Original aut. ^{^}
4) Zweites Original seu.^{^}
5) Fehlt von communiter an im zweiten Original.^{^}
6) Zweites Original Keerch.^{^}