Urkunde Nr. 2399 aus Band V

Seite im UB:

69-71

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

2399

Eppeschdorf 1441 Januar 19 Die Zwei Stühle bestätigen, dass Nikolaus Appa von Malmkrog sein Gräfenamt freiwillig der Gemeinde Birthälm überantwortet hat.

Nos iudices et iurati seniores duarum sedium Saxonicalium Megyes et Selk tenore praesentium significamus quibus expedit universis, quod nobis more solito et tempore consueto pro iustitia et iudicio quibuscunque querulantibus faciendo consedentibus accesserunt nostri in praesentiam honorabiles viri et domini Michael de Prathya protunc decanus decanatus Megyes, item Bartholomeus de Byrthalm, item Johannes de Megyes, item Gregorius de Thobia, plebani, nostrorumque in medio se erigentes providi et circumspecti viri comes Johannes de Walthödia, item Nicolaus Buznard et Jacobus Halbsyn de Byrthalm, item Johannes Aurifaber, Martinus Zyn de Megyes coram nobis consentiose unanimi et consona voce, enarrantes retulerunt, quomodo ad dispositionem et voluntatem ac desiderium strenui nobilisque viri ac domini Nicolai filii Apa necnon nobilium puellarum Dorotheae et Annae quondam filiarum nobilis viri Georgii, similiter filii Apa, felicis memoriae, simul cum matre earundem puellarum per admonitionem et supplicationem benivolas discreti ac prudentium virorum dominorum plebani, villici ac totius communitatis oppidi Byrthalm in quandam villam seu possessionem praenominati strenui viri domini Nicolai filii Apa Eppesdorff vocatae in ipsius et nobilium puellarum Dorotheae et Annae ac matris earundem praesentiam et conspectum ad fassiones quasdam et recognitiones praefatorum domini Nicolai et puellarum coram praenominatis discretis [S. 70] viris faciendas et promovendas ex parte comitatus seu grebatus ipsius oppidi Byrthalm, vocati et congregati extitissent. Quamvis praetactus strenuus vir dominus Nicolaus filius Apa ex consensu et voluntate praefatarum nobilium puellarum Dorotheae et Annae ac omnium suorum consanguineorum ipsum grebatum seu senatum cum omnibus suis emolumentis et fructibus coram sagacibus viris magistris civium, iudicibus et iuratis consulibus septem sedium Saxonicalium praedictis providis viris villico et senioribus ac universae communitati et eorum posteris oppidi Byrthalm, pro certa florenorum summa auri videlicet sexigentis florenis auri spontanea et benivola voluntate contulisset et assignasset. Tamen propter maiorem cautelam, securitatem et evidentiam ipsorum prudentium virorum villici, seniorum ac totius communitatis oppidi Byrthalm praetacti honorabiles viri plebani una cum aliis viris circumspectis in ipsam villam vocati et congregati extitissent, ut nobiles puellae praetactae Dorothea et Anna in ipsarum propriis comparerent personis et ipsarum proprio dictamine rationis et vivae vocis oraculo faterentur et recognoscerent in praesentia dictorum prudentium virorum, utrum ex commissione et consensu earundem puellarum praetactus dominus Nicolaus, patruus ipsarum, praetactum grebatum seu senatum cum singulis suis fructibus et iurisdictionibus ad id spectantibus, prudentibus viris villico, senioribus ac universae communitati et eorum posteris oppidi Byrthalm, ita ut praemittitur, contulisset et assignasset. Praetacti vero viri honorabiles videlicet plebani ad huiusmodi fassiones et recognitiones ex audientes vocati et congregati nostrorum in praesentiam fide digne et consentiose recognoverunt, quod in iam fati strenui viri Nicolai filii Apa, necnon ipsorum memoratorum prudentium virorum praesentiam saepedictae nobiles puellae Dorothea et Anna fassae et confessae in et sub istorum verborum forma extitissent: singula et omnia quae strenuus vir Nicolaus, filius Apa patruus noster, ex parte grebatus seu senatus omniumque emolumentorum et provent u u m ac iurisdictionum eiusdem in oppido Byrthalm, et a modo et deinceps provenire debentium, ipsis prudentibus et circumspectis viris villico, senioribus ac universae communitati ac eorum posteris in praesentia circumspectorum virorum magistri civium, iudicum et iuratorum consulum septem sedium Saxonicalium necnon pro nunc vestrarum prudentiarum in praesentiam, contulit et assignavit, nostro fore ex consensu, voluntate et annuentia recognoscimus, fatemur etiam nos post solutionem dictorum sexagintorum florenorum partem nos concernentem plene percepisse cum effectu; isto etiam interiecto et specialiter expressato, quod si temporum in processu quispiam hominum cuiuscumque status et conditionis existeret, praefatos populos et inhabitatores ipsius oppidi Byrthalm ratione dicti comitatus seu senatus ac iuridictionis eiusdem intra et extra iudicium, quovis quaesito colore, trahere, quod deus avertat, attentaret, extunc dictus dominus Nicolaus, patruus noster, una nobiscum et suis ac nostris heredibus, necnon utrarumque partium succesoribus ipsos populos et inhabitatores necnon communitatem dicti oppidi Byrthalm cum iuvamine protegere et defensare, manuque tenere promittit et pollicitur, promittimus et pollicemur; et si in casu aliquo heredes et successores nostri patrui nec non nostrorum propinquorum comitatu seu senatu aliqua convercas seu lites movere et inchoare ausu temerario praetenderent, extunc iidem ante litis inchoationem florenos sexagintos puri auri absque aliquo defectu ipsis inhabitatoribus oppidi Byrthalm persolvere debeant et teneantur; de caeteroque nullae literae sub iudiciaria aut alia quacumque forma verborum pro parte annotatorum domini Nicolai ac quondam Georgii fratris sui eorundem heredum emanatae intra scilicet et extra iudicium alicuius vigoris et roboris esse debeant, et in aliquibus factis observare ad quod se et suos successores praedictus dominus Nicolaus spontanea voluntate obligavit coram nobis. Postremo vero ambae partes super scriptis expensis taliter concordarunt, et coram nobis concluserunt, quod dum et quo-[S. 71] runcumque temporum in processu in facto annotato grebatus seu comitatus orirentur et suscitarentur, extunc dictus dominus Nicolaus ac sui et annotati fratris eiusdem heredes et successores adiunctis sibi unum vel duobus ex inhabitatoribus dicti oppidi Byrthalm per communitatem eiusdem eligendum, in dictorum domini Nicolai ac suorum et praefati quondam Georgii fratris ipsius heredum et successorum propriis expensis pro defensione dictae causae debeant et teneantur. In cuius rei testimonium perpetuamque firmitatem praesentes literas sigillo duarum sedium roboramine duximus concedendas. Datum in villa Eppes die decima nona mensis Januarii, anno domini millesimo quadringentesimo quadragesimo primo.