Urkunde Nr. 2405 aus Band V

Seite im UB:

74-75

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 103.

Druckvorlage:

nach Original

Abdruck als:

Volltext

Sprache:

Latein

---

2405

Im Feldlager bei der Burg Kemend 1441 März 9 König Wladislaw I. verbietet allen Würdenträgern und Beamten des Reiches, die Hermannstädter Kaufleute auf Betreiben des Klausenburger Bürgers Peter Payer weiterhin zu belästigen.

Von der Kanzlei: Commissio propria domini regis¹⁾.

Wladislaus dei gratia Hungariae, Poloniae, Dalmaciae, Croaciae et cetera rex Lithwaniae princeps supremus et haeres Russiae et cetera fidelibus nostris universis et singulis praelatis, baronibus, comitibus, castellanis, nobilibus ac ipsorum officialibus, item civitatibus, oppidis et villis ipsarumque rectoribus, [S. 75] iudicibus et villicis nec non tributariis et vicetributariis nostris scilicet regalibus et reginalibus ac aliorum quorumcumque praesentium notitiam habituris salutem et gratiam. Pro parte fidelium nostrorum Saxonum et mercatorum in civitate nostra Cibiniensi residentium nostrae exponitur maiestati gravi cum querela, quomodo quidam Petrus dictus Payer inhabitator civitatis Cluswar vocatae a certis iam retroactis temporibus, tacita semper veritate, nequiter et fraudulenter atque dolose a cancelariis condam serenissimorum dominorum Sigismundi, Romanorum imperatoris, ac Alberti, regum Hungariae, nostrorum praedecessorum nec non dominae Elizabeth reginae quasdam literas praeceptorias super ablatione certae quantitatis cupri, alias per quondam Ladislaum de Chaak olim vaidovam Transsiluanum in oppido nostro Meggyes ab eodem Petro facta, in quo ipsi exponentes penitus innocentes essent et immunes, impetrasset, quibus mediantibus ipse Petrus Payer mercatores et alterius status homines praefatae civitatis Cibiniensis diversa climata regnorum nostrorum pro victuum suorum necessaria acquisitione perlustrantes ac res et bona eorundem in vestris tenutis, possessionibus, honoribus, officiolatibus vestri in medio ac tributorum vestrorum locis arestare consuevisset, immo iam de facto certas res et bona a nonnullis mercatoribus praetactae civitatis Cibiniensis abstulisset minus iuste et indebite ac sua temeraria praesumptione mediante in ipsorum exponentium praeiudicium et gravamen satis grande. Et quia nos praefatos Saxones nostros atque mercatores praetactae civitatis Cibiniensis per amplius per praefatum Petrum Payer sic indebite et fraudulenter perturbari, impedirique et dampnificari nolumus quovismodo, ideo vestrae et cuiuslibet. vestrum fidelitati firmissime praecipimus et aliter habere nolentes mandamus, quatenus a modo in antea annotatos Saxones atque mercatores praelibatae civitatis Cibiniensis ac res et bona eorundem ad instantiam praefati Petri Payer aut ad contenta quarumcumque literarum regalium et reginalium per eundem Petrum Payer sic ut praedicitur fraudulenter et nequitiose pro se impetratarum in vestris tenutis, possessionibus, honoribus, officiolatibus ac vestri in medio tributorumque vestrorum praedictorum locis arestare vel arestari permittere nequaquam praesumatis nec sitis ausi modo aliquali gratiae nostrae sub obtentu. Si vero annotatus Petrus Payer aliqui actionis contra annotatos exponentes ratione praetacti cupri habet²⁾, it iuridice et non fraudulenter et nequitiose prosequatur super eosdem quos a facie iuris nolumus custodire. Praesentes denique perlectas semper reddi iubemus exhibenti. Datum in descensu nostro exercituali prope castrum Kemend vocat u m feria quinta proxima ante dominicana Reminiscere, anno domini millesimo quadringentesimo quadragesimo primo. Praeterea si aliqui ex vobis praemissis nostris mandatis contrafecerint, quod non credimus, extunc commisimus et harum serie firmiter committemus magnificiis vaivodis et comitibus Siculorum nostrorum partium nostrarum Transsiluanarum nec non comitibus illorum comitatuum, in quibus praescriptis nostris mandatis contrafactum fuerit, praesentibus et futuris, ut ipsi vos et vestrum quemlibet ad observationem huiusmodi nostrorum mandatorum arcius compellant et astringant nostra auctoritate ipsis praesentibus in hac parte attributa et iustitia mediante. Datum ut supra.


1) Mit anderer Tinte.^{^}
2) Hinter e ein n gestrichen.^{^}