Urkunde Nr. 2409 aus Band V

Seite im UB:

78-79

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 13 612.

Druckvorlage:

nach Original

Abdruck als:

Volltext

Sprache:

Latein

---

2409

Im Feldlager bei der Burg Márványkö 1441 März 16 König Wladislaw I. gewährt Nikolaus Appa von Malmkrog für seine Verdienste um die Krone das Recht, alle seine siebenbürgischen Besitzungen auch in weiblicher Linie zu vererben.

Von der Kanzlei: Commissio propria domini regis.

Nos Wladislaus dei gratia Hungariae, Poloniae, Dalmaciae, Croaciae et cetera rex Lithuaniaeque princeps supremus et heres Russiae et cetera notum facimus universis quibus incumbit praesentium per vigorem, quod nos t u m humilimis et devotis supplicationibus egregii militis Nicolai filii Appa de Almakerek nostri fidelis sincere dilecti, per eum nostrae sublimitati porrectis exauditis, t u m et enim ad alta et gratuita fidelium servitiorum laudanda gesta, quae idem Nicolaus filius Appa ab illo semper tempore, quo divina volente clementia in regem Hungariae sumus electi et coronati, ad gloriam et exaltationem nostri regii culminis et ad oppressionem nostrorum rebellium et infidelium in partibus nostris Transsiluanensibus uti athleta strenuus nostraeque et sacrae regni nostri Hungariae coronae fidelis servus nostrae exhibuit maiestati, respectum habentes, ex regiae potestatis plenitudine certaque scientia nostrae maiestatis et gratia speciali id annuimus et concedimus, quod si nutu divino, cui resistere non valet humana fragilis conditio, Michaelem filium Ladislai filii annotati Nicolai filii Appa ab hoc seculo quod deus avertat, absque haeredum solatio decedere contingeret, extunc universae possessiones portionesque suae possessionariae ubilibet in partibus Transsiluanensibus habitae¹⁾ simulcum cunctis ipsarum utilitatibus et pertinentiis quocumque nomine vocitatis in nobiles dominas Annam Semyen de Zenthkiral ac Elena Petri de Torozko consortes ac puellae Barbara et Margaretha vocatas, filias praefati Nicolai filii Appa et alteram Barbaram filiam praefati quondam Ladislai uti in veros haeredes masculinos, in quos eas²⁾ exnunc sicut extunc et extunc sicut exnunc praeficimus, per easdem et earum haeredes iure perpetuo et irrevocabiliter possidendas, tenendas pariter et habendas devolvi et redundari possint, absque praeiudicii iuris alieni, harum nostrarum vigore et testimonio literarum mediante, quas dum nobis in specie reportatae fuerint, in formam nostri privilegii redigi faciemus. Datum in descensu nostro exercituali [S. 79] prope castellum Marwankew vocatum feria quinta proxima post festum beati Gregorii papae, anno domini millesimo quadringentesimo quadragesimo primo.

Unter dem Siegel Kanzleivermerk.


1) Vorlage hita.^{^}
2) Über der Zeile.^{^}