Urkunde Nr. 2410 aus Band V

Seite im UB:

79-80

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 101.

Druckvorlage:

nach Original

Abdruck als:

Volltext

Sprache:

Latein

---

2410

Im Feldlager bei der Burg Nymethy 1441 März 24 König Wladislaw I. befiehlt Johannes von Illye und dessen Bruder Benedikt, das zu Unrecht angemasste Richteramt im Brooser Stuhl niederzulegen und der Stadt Broos den willkürlich weggenommenen Ackergrund zurückzugeben.

Von der Kanzlei: Comissio propria domini regis.

Wladislaus dei gratia Hungariae, Poloniae, Dalmaciae, Croaciae et cetera rex Lithwaniae princeps supremus et haeres Russiae et cetera fidelibus nostris nobilibus viris Johanni filio Dyonisii de Ilye ac Benedicto fratri eiusdem salutem et gratiam. Gravem querelam pro parte fidelium nostrorum Saxonum septem sedium Saxonicalium partium nostrarum Transsiluanarum nostrae maiestati expositam percepimus valde displicenter quomodo vos, nescitur quo iure quave ex causa iudicatum sedis Zazwaras ad praedictas septem sedes nostras Saxonicales pertinentis pro vobis contra iura et antiquas libertates earundem septem sedium nostrarum Saxonicalium occupando in medio Saxonum dictae sedis Zazwaras vestros iudices et officiales constituissetis, ipsos dietim diversarum iniuriarum, dampnorum et perturbationum illationibus afficientes. Insuper sexingenta iugera terrarum arabilium ad civitatem nostram similiter Zazwaras vocatam spectantes¹⁾ et inter veras metas dictae civitatis adjacentes pro vobis minus iuste et indebite modo simili occupassetis asserentes ipsas terras arabiles a quodam homine pro vobis iure haereditario imperpetuum emisse et comparasse, cum tamen dictorum Saxonum nostrorum libertatibus et praerogativis requirentibus nec regalis maiestas neque alii quicumque homines quoscumque iudicatus, villas, terras et iurisdictiones ad ipsas septem sedes Saxonicales de iure spectantes ab eisdem alienare et cuicumque homini appropiare et perpetuare valeant quovis modo. Ideo nos, prout etiam in aliis literis nostris superinde confectis ipsis exponentibus promittentes spopondimus²⁾ eosdem in universis ipsorum iuribus et libertatibus atque privilegiis conservare volentes, vestrae fidelitati firmissime praecipimus et aliud habere nolentes mandamus, quatenus visis praesentibus rebus sic ut praemittitur se habentibus, alio nostro mandato superinde non expectato, praemissum iudicatum ac terras arabiles per vos ut praedicitur minusiuste et contra iura et libertates dictarum septem sedium Saxonicalium occupatas eisdem Saxonibus nostris remittere et relaxare, manus vestras et vestrorum de eisdem excipientes a modo in posterum de iuribus et iurisdictionibus ipsorum Saxonum nostrorum vos intromittere aut eos aliquo illicito modo impedire, molestare et dampnificare nusquam et nequaquam praesumatis nec sitis ausi modo aliquali. Alioquin commisimus et harum serie [S. 80] firmiter committimus fidelibus nostris magnificis Nicolao de Wylak et Johanni de Hvnyad inter cetera vaivodis nostris Transsiluanis, ut ipsi scita veritate praemissorum vos ad observationem praescriptorum mandatorum nostrorum per remedia opportuna arcius adstringant et compellant praefatos autem nostros Saxones et praesertim in dictis civitate et sede Zazwaras residentes contra vos et alios quoslibet illegitimos impetitores in praescriptis eorum iuribus et libertatibus conservant et manuteneant nostrae maiestatis in persona et auctoritate ipsis praesentibus in hac parte attributa et iustitia mediante. Aliud ergo facere nullo modo praesumatis gratiae nostrae sub obtentu. Praesentes quoque post earum lecturam reddi volumus praesentanti. Datum in descensu nostro exercituali prope castrum Nymethy vocatum, feria sexta proxima ante festum annuntiationis beatae Mariae virginis, anno domini millesimo quadringentesimo quadragesimo primo.

Unter dem Siegel Kanzleivermerk.

Am unteren Rande links: Lecta.


1) Über der Zeile nachgetragen.^{^}
2) Vorlage spospondimus. ^{^}