Urkunde Nr. 2413 aus Band V

Seite im UB:

81

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 36 899.

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

2413

1441 April 8 Der Konvent von Kolozsmonostor bezeugt, dass sich der siebenbürgische Woiwode Johannes von Hunyad verpflichtet hat, die der Stadt Klausenburg von den ungarischen Königen verliehenen Freiheiten zu achten und sie im Genuss dieser Freiheiten zu schützen.

Nos conventus monasterii beatae Mariae virginis de Colosmonostra memoriae commendamus per praesentes quod magnificus dominus Johannes de Hwnyad inter ceteras honorum ipsius dignitatis vaivoda Transsilvanus necnon Themesiensis et Siculorum comes personaliter coram nobis constitutus professus est tali forma quod ipse intenta considerataque prudentium virorum industriosorum scilicet civium, consulum hospitumque civitatis Cluwswar sincera fidelitate serenissimo principi domino Wladislao dei gratia regnorum Hungariae, Poloniae et cetera regi domino nostro gratioso per ipsos observanda susceptoque per primum duodecim iuratorum civium aliorumque sexaginta consulum, alio vocabulo sexagenariorum ipsius civitatis Clwswar pro cuncta ipsius civitatis communitate emmisso per eos sincere fidei sacramento in eo ut ipsi annotato domino nostro regi sinceram a modo et deinceps inantea fidelitatem totius animae eorum desiderio ac tota mentis intentione et quovis conatu studerent vellentque iugiter observare spopondisset immo spopondit coram nobis et pollicitus est fidei suae deo debite sinceritate mediante ut ipsos in persona praefati domini nostri regis et eius auctoritate sibi attributa in eodem ritu et similibus libertatis eorum prarogativis omnique ipsorum iure meliori, quibus iidem temporibus illustris principis quondam domini regis Alberti felicis reminiscentiae Hungariae regis incliti et magnifici Desew de Losoncz pridem vaivodae Transsilvani hactenus et usquemodo usi fuissent, freti pariter et congratulati illaesos, indempnos quitosque et ab omnium infestare volentium impugnatione exemtos sui brachii virtute mediante tueri, protegereque futuris temporibus et defensare vellet toto posse, donec et tandem a regiae serenitatis maiestate aliud cuiuspiam alleviaminis habere poterit et impetrare. Praesentium nostrarum literarum efficaci testimonio mediante. Datum sabbato proximo ante dominicam Ramispalmarum, anno domini millesimo CCCC^o XL primo.

Auf der Rückseite von anderer gleichzeitiger Hand: Stephanus Bartholomei iudex, Petrus Mathie, Andreas Ssuffler, alter Andreas Serthoderel, Sigismundus Literatus, Petrus Sladych, Barthes Ffeyer, magister Petrus N . . . Johannes Ffrancyas, Sthenchel, Jacobus Sleyevnyngh, Sigismundus Ffeyer et Ladislaus Hwnyady iurati cives. [S. 82]