Urkunde Nr. 2417 aus Band V

Seite im UB:

83-84

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1251 - Abt.42: K. A. Stolzenburg [Parohia Ev. CA Slimnic], Nr. 15.

Druckvorlage:

nach Original

Abdruck als:

Volltext

Sprache:

Latein

---

2417

Hermannstadt 1441 Mai 16 Der öffentliche Notar Urbanus Petri von Steinau bezeugt eine Erklärung Michaels, des Plebans von Stolzenburg und Dekans des Hermannstädter Kapitels, über seine Ansprüche auf die Einkünfte der Felder Stynkenbronne und Runkenmolde.

In nomine domini amen¹⁾. Anno nativitatis eiusdem millesimo quadringentesimo quadragesimo primo, indictione quarta, die Martis, decima sexta mensis Maii, hora sextarum vel quasi, pontificatus sanctissimi in Christo patris et domini nostri domini Ewgenii divina providentia papae quarti, anno eius decimo in domo superiori quondam egregii viri domini Johannis Megerlini medicinae doctoris in villa Humperti plebani, Strigoniensis iurisdictionis, in opido Cibiniensi eiusdem Strigoniensis iurisdictionis, in plathea Risporgasse sita, in mei notarii publicii testiumque subscriptorum ad subscripta vocatorum et rogatorum praesentia personaliter constitutus egregius vir dominus Michael, decretorum doctor, plebanus in Stolzenberg , decanus Cibiniensis, publice et manifeste significari curavit, quomodo ipse et certi sui superiores praedecessores plebani in dicta Stolczinberg piarum reminiscentiae animarum diutivas lites in sede apostolica et alibi videlicet consilii Constanciensis et cetera ratione quorundam camporum Runkenmolde et Stynkebronne et eorundem fructuum ecclesiae sancti Bartholomei apostoli videlicet parrochiali in eadem Stolzenberg pertinentium, intra metas territorii Stolczenberg inclusorum habuisset et habuissent, debito tamen iuris ordine observato in dicta sede apostolica sententiam diffinitivam super eosdem obtentam, tamen ipse dominus Michael doctor et plebanus dictam suam causam propter potentiarios actus et vim metus circumspectorum virorum Anthonii Trawtenberger, magistri civium Cibiniensis et suorum in hac parte complicum minas sibi grandes mortis impositae minime prosequi posset nec potuisset neque valeret impraesentiarum. Ideo saepedictus dominus doctor dominus Michael suo ac omnium plebanorum suorum successorum in dicta Stolczinberg affuturorum nominibus interuptionem publice et manifeste proclamavit et interposuit, tamdiu et quousque ante dictam suam causam ac suae ecclesiae praenominatae ipse aut sui successores affuturi plebani ibidem contra plebanum seu plebanos de Salisfodio praesentem et futuros quam alios quoscumque coniunctim et divisim valeat et valeant [S. 84] prosequi in effectum. Super quibus omnibus et singulis praelibatus dominus Michael doctor et plebanus²⁾ in Stolzenberg a mei notario publico infrascripto unum vel plura instrumentum seu instrumenta sibi et cunctis suis successoribus ibidem plebanis in relevamen iurium suorum et eorundem ad cautelam dare petivit. Ego vero subscriptus publicus notarius huiusmodi petitionibus prout iustis et rationis consonis inclinatus praesens ideo instrumentum eidem domino Michaeli doctori cunctisque suis successoribus ibidem in Stolczinberg plebanis ad cautelam et relevamen iurium suorum tradidi et assignavi. Acta et data sunt haec anno, indictione, die, mense, hora, loco et pontificatu quibus supra. Praesentibus ibidem honorabilibus dominis Valentino de Purgperg, Nicolao de villa Ruthenica plebanis ac Caspar de parvo Horreo in Cibinio capellano et pluribus fide dignis personis testibus ad praemissa vocatis et rogatis.

Notarzeichen. Et ego Vrbanus Petri de Stynawia, clericus Wratislauiensis diocesis, publicus papali ac imperiali auctoritatibus notarius, quia praedictae fassioni causae narationi litium ac diffinitivae sententiae obtentioni, prosecutioni huiusmodi sententiae minime posse, formidationi, interruptioni, positioni aliisque omnibus et singulis praemissis dum sic ut praemittitur fierent [et agerentur, cum]³⁾ praescriptis testibus praesens fui, eaque sic fieri vidi et audivi ideo praesens publicum interruptionis instrumentum mea propria manu scriptum exinde confeci et in hanc publicam formam redegi, signo et nomine meis solitis et consvetis consignavi rogatus et requisitus in fidem et testimonium omnium praemissorum.


1) In verlängerter Schrift.^{^}
2) Vorlage plebanos. ^{^}
3) Verblasst.^{^}