Urkunde Nr. 2426 aus Band V

Seite im UB:

90-91

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 15.

Druckvorlage:

nach Original

Abdruck als:

Volltext

Sprache:

Latein

---

2426

Im Heerlager bei Unip 1441 Oktober 16 Die siebenbürgischen Woiwoden Nikolaus von Ujlak und Johannes von Hunyad gebieten dem Rat von Kronstadt, den muntenischen Woiwoden Vlad Dracul in dem ihm verliehenen Recht, in ihrer Mitte Münzen zu prägen, vorläufig ungestört zu belassen.

Nicolaus de Wylak et Johannes de Hwnyad inter cetera vaivodae Transsiluani. Seniores et prudentes viri amici nostri honorandi. Audimus quomodo illustris Vlaad, voivoda Transalpinus, cusionis monetarum regalium in vestri medio continuationem, per serenissimum dominum nostrum regem praelatos quoque et barones regni Hungariae in defensionem eiusdem regni Hungariae nobis deputatam, in auxilium et subsidium eiusce defensionis per nos fiendae, sibi sinistris fore reputaret atque grave. Super qua re nobis per eundem recolimus fuisse subintimatum, cuius scilicet rei dispositionem et decisionem una cum eodem fiendas ad terminum illuc aggressas nostri decrevimus producendi. Sane quidem liquet, quod ipsa regio partium Trassiluanarum in qualibet sui parte de regiae benivolentiae legalitate praelatorumque et baronum suae serenitatis et regni conclusione nostrorum honorum subiacet ditioni, gubernamini, directioni et defensioni. Proinde in tenutis honorum et regni nostrorum libera nobis adesse debet de iure et de lege facultas eiuscemodi cusionis monetarum continuationem exequi faciendi. Unde requirimus vos nihilominus et serie praesentium vestris prudentiis firmiter praecipientes mandamus, quatenus per homines nostros ad id speciales talismodi monetarum cusionem vestri in medio sollerter et continue exercere permittatis, renitentiae obstaculo quovis retroiecto usque ad nostrum illuc ingressum et nec cuipiam alteri id prosequi cedatis praeterquam hominibus nostris specificatis, scientes enim a certo quoniam sedecimo aut decimo septimo die post praesentium emanationem in vestri medio nostri praesentia personali, favente altissimo, constituemur. Quoniam ad annotatum vaivodam Transalpinum in plurificatis legationibus ipsius domini nostri regis, praelatorum etiam et baronum ac totius [S. 91] regni suae serenitatis ire deputati, more protractione relegata, importune et sine intermissione sumus accessuri pariter et profecturi; usque ad illum igitur terminum ipsam cusionem per quospiam non sinatis impediri. Et aliud in praemissis facere non sitis ausi modo aliquali. Cetera lator praesentium nostra intimata vobis seriosius propalanda hac vice clarius¹⁾ explanabit et exponet, cuius dictis nostri ex parte vestris prudentiis detegendis fidem liquet cedulam, uti nostris sermonibus adhibere. Scripta in descensu nostro campestri exercituali iuxta oppidum Wyneeph in festo beati Galli confessoris, anno domini millesimo et cetera XL primo.

Von der Kanzlei: Ad commissionem propriam utrorumque vaivodarum.

Auf der Rückseite Adresse: Prudentibus viris magistro civium, iudici, villico iuratisque civibus et cunctis senioribus civitatis Brassouiensis, amicis nostris honorandis.


1) Vorlage clarams.^{^}