Urkunde Nr. 2430 aus Band V

Seite im UB:

93-94

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 104.

Druckvorlage:

nach Original

Abdruck als:

Volltext

Sprache:

Latein

---

2430

Zenthmiklos 1441 November 13 König Wladislaw I. befiehlt den Woiwoden von Siebenbürgen Nikolaus von Ujlak und Johannes von Hunyad, die Bewohner von Hermannstadt gegen den Szekler Sylvester von Szenttamas, der zu Unrecht einen königlichen Befehl gegen die Hermannstädter erwirkt hat, in Schutz zu nehmen.

Von der Kanzlei: Relatio Laurencii de Hedrehwar regni Hungariae palatini.

Wladislaus dei gratia Hungariae, Poloniae, Dalmaciae, Croaciae et cetera rex, Lithuaniaeque princeps supremus et heres Russiae fidelibus nostris magnificis Nicolao de Wylak et Johanni de Hwnyad vaivodis partium nostrarum Transsiluanarum vel eorum vicevaivodis salutem et gratiam. Dicitur nobis in personis providorum iudicis, iuratorum et ceterorum civium civitatis nostrae Cibiniensis, quodlicet Siluester de Zenthamas Siculus illarum partium tacita veritate per importunam instantiam quasdam literas¹⁾ nostras forsan et vobis loquentes a nobis impetraverit, in qua²⁾ concesserimus eidem hanc facultatem, ut ipse pro illis rebus suis, quas tempore cuiusdam captivitatis suae a se praedictos cives abstulisse ac nec ad praecepta condam domini imperatoris sibi reddidisse dicebat, res ipsorum civium ubicumque reperiendas valeret pro satisfactione huiusmodi rerum suarum facere arestari. Tamen venientibus nunc nostri in praesentiam quibusdam ex dictis civibus, praesentibusque nobis quibusdam literis³⁾ condam Petri Cheh de Saro et Ladislai de Chak alias similiter vaivodarum Transsiluanorum, nos revisis huiusmodi literis ex earundem serie agnovimus dictas res ipsius Siluestri tempore illo, quo idem propter delationem falsarum monetarum per dictos cives captus fuerat, ab eodem ablatas fuisse, et quod licet tandem ipso Siluestro de huiusmodi captivitate evadente ab eodem dictoque condam domino imperatore gratiam super re hac obtinente, idem condam dominus imperator mandaverit dictis vaivodis, ut antefatas res dicti Siluestri eidem per praetactos cives facerent restitui. Tamen demum ipsis Siluestro et procuratore dictorum civium praetextu huius rei iuxta contenta literarum imperialium, in praesentia dictorum vaivodarum litigionario more convenientibus ad iudicatum extitit per dictos vaivodas deliberatione matura, visis utriusque partis(4) iuribus et auditis propositionibus ipsas res praetacti Siluestri ex quo idem in tam notabili eximiae delationis falsarum monetarum captus, eas amisit, iuxta consvetudinem regni per dictos cives nunquam eidem debere resstitui non obstantibus literis imperialibus praenotatis, prout haec omnia in dictis literis praenarratorum vaivodarum, quibus et tenor dictarum literarum imperialium verbaliter insertus est, per quas etiam perpetuum silentium super hac re ipsi Siluestro impositum extitit, lucidius continentur. Quare fidelitati vestrae mandamus seriose, quatenus praefatos cives dictae civitatis Cibiniensis seu quoscumque ex ipsis ad instantiam dicti Siluestri ratione praevia, non obstantibus dicti literis nostris ipsi Siluestro [S. 94] datis, in personis aut rebus impedire vel dampnificare aut arestare vel impediri permittere nullatenus praesumatis. Secus ergo facere non ausuri. Praesentibus perlectis exhibente restitutis. Datum in villa Zenthmiklos in festi beati Bricii confessoris, anno domini millesimo quadringentesimo quadragesimo primo.

Unter dem Siegel Kanzleibemerkung.


1) Gebessert aus literam.^{^}
2) So Vorlage.^{^}
3) Gebessert aus quasdam literas; hierauf literas durch Unterpunktierung getilgt.^{^}