Urkunde Nr. 2442 aus Band V

Seite im UB:

102-103

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 4.

Druckvorlage:

nach Original

Abdruck als:

Volltext

Sprache:

Latein

---

2442

Kronstadt 1442 September 17 Der öffentliche Notar Nikolaus Georgii von Tartlau bestätigt, dass der vom Kronstädter Rat zum Tode verurteilte und zur Verweisung aus Stadt und Distrikt begnadigte Petrus Ursule Urfehde geschworen hat.

In nomine domino amen. Anno nativitatis eiusdem millesimo quadringentesimo quadragesimo secundo, indictione quinta, die vero decima septima mensis Septembris, hora meridiei vel quasi in domo honorabilis viri Petri Anthonii opidi Braschouiensis, Strigoniensis diocesis, pontificatus sanctissimi in Christo patris domini domini Eugenii divina providentia papae quarti, anno sedis eius duodecimo, sacri Romani imperii sede vacante, in mei notarii publici subscripti testiumque infrascriptorum praesentia discretus vir Petrus Ursule inquilinus et cohabitator oppidi Braschouiensis, Strigoniensis diocesis, per modum recognitionis significare curavit, quomodo nuper ex nonnullis actibus viridicis et excessibus per ipsum Petrum Ursule nequiter commissis in diffamia¹⁾ et dedecus sui honoris universi cives totusque consulatus²⁾ Braschouiensis condempnassent et bonis suis omnibus privassent, immo ad mortem temporalem sententiassent iure mediante praenominatum Petrum Ursule nisi supplicatio sollempnis non intercepisset, quae facta est per magnificum dominum, dominum Johannem de Hwnyad weyvodam³⁾ Transsiluaniae, comitemque Siculorum et cetera et per honorabilem capitulum Braschouiense ob id gratia magna salubriter per dei misericordiam et per praenominatos cives universos Braschouienses attributa adinventa et data est supradicto Petro Ursule. Tamen conditione sub tali, quod iam saepe dictus Petrus Ursule a tota communitate Braschouiensi et provinciae Bureze excludatur immo perpetuo et irrevocabiliter in exilium datur et ponitur, quod benivole et gratanter assumpsit. Insuper septem viros notabiles fideiussores praetactus Petrus Ursule procuravit et statuit: Primo Jacobum Dewr, Petrum Dwer, Crewsem Caspar de Rosenau, Johannem Wynandi, Johannem Parvum, Nicolaum Balwen et Thomam Farkasch laici Strigoniensis diocesis, qui omnes simul in una vocis consonantia promiserunt sub fide eorum creditiva in manus mei notarii publici subscripti, quod si praetactus Petrus Ursule aliquem hominem vel aliquos de communitate Braschouiensi et praesertium consulatum⁴⁾ eiusdem inquietare, molestare vel modo aliquali impedire conaretur, sic viri iam dicti fideiussores incurrerent poenam capitalem et eandem in qua constitutus fuerant praenominatus Petrus Ursule immo de hiis omnibus et cunctis ubique publica viget fama et sonat vox indefessa partibus in his, salvo nihilominus addendi, minuendi, mutandi et corrigendi prout iura admittunt et requirunt. Super quibus omnibus et singulis praelibatis annotatus Petrus Ursule petiit et requisivit me notarium publicum infrascriptum tamquam autenticam⁵⁾ et publicam personam, quatenus unum seu plura publicum instrumentum seu instrumenta conficerem et dare et concedere deberem sibi, quod et feci officio meo id exigente et requirente. Acta sunt haec et facta anno, indictione, die, mense, hora, loco et pontificatu quibus supra, praesentibus ibidem honestis viris domino Stephano plebano de Rosenaw, domino Cristanno plebano de Cidino, Tylmanno plebano de Wydenbach, Michaele Greff, Cristanno Regis, Georgio Francisci Strigoniensis diocesis presbyteris et laicis testibus fidedignis et aliis quam pluribus ad praemissa audienda et videnda vocatis specialiter pariter et rogatis. [S. 103]

Notarzeichen. Et ego Nicolaus Georgii de Prasmar, clericus Strigoniensis, publicus sacrae imperiali auctoritate notarius, quia praemissis recognitioni, petitioni, requisitioni aliisque omnibus et singulis dum sic ut praemittitur fierent et agerentur una cum praenominatis testibus praesens interfui eaque omnia et singula sic fieri, vidi et audivi, ideo hoc praesens publicum instrumentum manu mea propria scripsi, confeci, notavi, publicavi et in hanc publicam formam redegi signoque et nomine meis solitis et consuetis diligenter consignavi rogatus et requisitus in fidem et testimonium omnium et singulorum praemissorum.


1) Vorlage diffaniea.^{^}
2) Vorlage consolatus.^{^}
3) So Vorlage.^{^}
4) Vorlage consolatum.^{^}
5) Vorlage autenticum.^{^}