Urkunde Nr. 2444 aus Band V

Seite im UB:

103-104^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 5.

Druckvorlage:

nach Original

Abdruck als:

Volltext

Sprache:

Latein

---

2444

Gran 1442 November 15 Nikolaus, Generalvikar von Gran, verleiht den Pfarrern des Kronstädter Kapitels das Recht Absolution zu erteilen, ausgenommen die ganz [S. 104] schweren Fälle, und gestattet ihnen, sich einen beliebigen Ordens- oder Laienpriester als Beichtvater zu wählen.

Nicolaus, decretorum doctor, cantor, canonicus et vicarius in spiritualibus ac causarum auditor generalis ecclesiae Strigoniensis dilectis nobis in Christo venerabili ac honorabilibus viris dominis ... decano et suis confratribus ecclesiarum plebanis de capitulo et decanatu Brassouiensi simul vel divisim existentibus salutem in domino sempiternam. Cum nostri oficii intersit animarum providere saluti vobis ut liceat universos parochianos vestros ecclesiasticos vel saeculares per vos aut vestros capellanos per vos coniunctim aut divisim ad¹⁾ audiendum confessionem dictorum vestrorum parochianorum deputandos ab omnibus peccatis eorum etiam in casibus episcopali sedi reservatis auctoritate nostra vobis et dictis capellanis ad id per nos deputatis per praesentes attributa absolvere et de poenitentia providere salutari. Hinc usque ad duos annos proxime futuros tenore praesentium gratiose concedimus et indulgemus, exceptis casibus adeo gravibus et enormibus super quibus²⁾ sedes Strigoniensis merita foret consulenda. Super quibus vestras et dictorum vestrorum capellanorum in hac parte oneramus conscientias ac etiam vobis venerabili et honorabilibus dominis decano et confratribus praedictis decanatus et capituli praedicti decanatus Brassouiensis iurisdictioni ecclesiae Strigoniensi subiectis, ut liceat vobis et vestris confratribus idoneum presbyterum eligere regularem vel saecularem in confessorem, qui audita vestra confessione aut alterum vestrum ab omnibus peccatis vestris etiam in casibus episcopalibus huic almae sedi reservatis similiter auctoritate nostra vobis et eisdem confessoribus per praesentes attributa usque ad praedictum tempus absolvere et providere de poenitentia salutari, exceptis similibus casibus gravibus et enormibus praedictis, super quibus vestras et audientium confessiones oneramus, concedimus et gratiose indulgemus facultatem. Datum Strigonii feria quinta proxima³⁾ post festum beati Bricii confessoris et pontificis, anno domini millesimo quadringentesimo quadragesimo secundo.


a) Seitenumbruch im Kopfregest.^{^}

1) Hierauf ad gestrichen.^{^}
2) Hierauf am Rande 0.4 cm Rasur.^{^}
3) Über der Zeile.^{^}