Urkunde Nr. 2445 aus Band V

Seite im UB:

104-105

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Heutige Signatur:

Familienarchiv Beldi von Mihiş Nr. 9.

Druckvorlage:

nach Original

Abdruck als:

Volltext

Sprache:

Latein

---

2445

Hermannstadt 1442 Dezember 10 Die Sieben Stühle bezeugen, dass Martin, der Sohn des Hermannstädter Bürgers Thomas Röd, in Angelegenheit des ihm von seinem Vater erblich zukommenden Hausanteils sich mit seinem Stiefvater, seinem Halbbruder und seiner Mutter verglichen hat.

Nos iudices iuratique seniores septem sedium Saxonicalium partium Transilvanarum memoriae comendamus praesentium significantes quibus incumbit [S. 105] universis, quod nobis more solito circa festum sanctae Katherine in Cybinio pro tribunali sedentes, accesserunt nostri in conspectum Martinus, filius condam Thomae Rod, convicis Cybiniensis, tamquam actor ab una, ex altera vero parte Laurencius Rasor vitricus dicti Martini, Thomas frater eiusdem privignusque dicti Laurencii Rasoris ac Margaretha, mater praedicti Martini tamquam in causam attracti ratione cuiusdam domus ac curiae in dicta Cibinio ex opposito mediasene et contigue domui honestae relictae condam Petri scriptoris situatae coram nobis iudicialiter disceptantes. Quibus sic coram nobis constitutis praelibatus Martinus dualitatem domus < >¹⁾iusdem, quam ratione hereditariae successionis ad eum pertinere asseruit, ab antedictis Laurencio, Thoma < ac >¹⁾ Margaretha matre ipsius expostulabat. Ipsi vero respondendo nobis notificaverunt, quo < modo >¹⁾ dictus Thomas Röd, pater ipsius Martini, dumtaxat medietatem eiusdem domus et curiae proprietarie possedisset et tandem eo defuncto duos liberos in hac vita reliquisset, ad quos dualitas medias domus hereditarie pertinuisset. Successu vero temporis dicta domina Margaretha cum alio viro in matrimonio existente, tandem mediani domum ac cetera bona mobilia et imobilia cum suis liberis a Thoma Röd relictis secundum huius provinciae consuetudinem praesentibus pluribus fidedignis civitatis Cybiniensis civibus iuratis realiter dimississet cuilibetque suam partem in cunctis rebus dividendis assignasset in dualitate, vero medias domus nostrorum aestimationis honestorum virorum cuilibet puerorum quindecim marcas argenti ponderis Cybiniensis persolvere assumpsisset ac unicuique ipsis < >²⁾ ad suas proprias seras tradidisset. Tandemque uno puero defuncto portio eiusdem <r>³⁾ebus sane mobilibus sane imobilibus ad ipsam Margaretham matrem puerorum dictorumo < >⁴⁾ ita extitisset. Quo praemissa praelibati Laurencius, Thomas ac Margaretha sufficienti et idoneo testimonii coram nobis comprobaverunt⁵⁾. Quo audito et taliter factum fuisse comperto dumtaxat quindecim marcas argenti ponderis < praedic >⁶⁾ti ratione suae portionis sibi a domo < succe >⁶⁾ dendo percipiendas ac certa iugera agrorum arabilium in campo possessionis Newdorff situatis adiudicavimus. Quas quidem quindecim marcas argenti praelibati Laurencius, Thomas ac Margaretha eidem Martino coram nobis plene et integre persolverunt, ita quod tandem annotatos Laurencium, Thomam ac Margaretham ab impugnatione ipsius Martini ratione quarumcumque rerum reddimus quittos et per omnia absolutos harum nostrarum testimonio literarum. Datum in Cybinio feria secunda post festum conceptionis Mariae virginis, anno domini millesimo CCCC^o XLII^o.


1) Lücke 0,4 cm. [3x]^{^}
2) Lücke 0,5 cm.^{^}
3) Lücke 2 cm.^{^}
4) Lücke 1,1 cm.^{^}
5) Lücke.^{^}
6) Lücke 1,2 cm. [2x]^{^}