Urkunde Nr. 2452 aus Band V

Seite im UB:

111-112

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 13 717.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2452

Gran 1443 April 3 Erzbischof Dionysius von Gran beauftragt den Dekan des Burzenländer Kapitels mit der Untersuchung und Entscheidung des Streites zwischen der Edelfrau Anna, der Tochter des Hermannstädter Bürgers Valter und Nikolaus Appa als Kläger und dem Rat von Hermannstadt als Beklagten.

Dyonisius miseratione divina tituli sancti Ciriaci in Tennis, sacrosanctae Romanae ecclesiae presbiteri et cardinalis archiepiscopus Strigoniensis, honorabili viro¹⁾ domino N. Brassouiensi decano nostrae Strigoniensis diocesis salutem et paternam benedictionem. Licet dudum quaedam causa inter honestam dominam Annam vocatam, filiam condam Valteri civis civitatis Cibiniensis similiter nostrae diocesis et nobilem Nicolaum Appafy dictum ut actores ab una, et iuratos consules dictae civitates Cibiniensis ut reos ab alia partibus, de mandato nostrae Strigoniensis sedis et eius commissione coram venerabili et religioso viro domino Anthonio abbate de Colosmonastra partium Transsiluanensium nostrae iurisdictioni subiecto, mota extitit, diutius ventilata. Tandem ad instantiam unius partium praedictarum, venerabilis dominus Nicolaus, decretorum doctor, cantor, canonicus et vicarius noster in spiritualibus generalis eandem causam de praesentia ipsius domini abbatis, ad se ad sedem nostram praedictam advocavit²⁾ et vestrae circumspectioni tandem pro commoditate et alleviatione partium ne hic in prosecutione causae huius per magnas expensas et³⁾ itinerum pericula ac labores alias fatigarentur, eandem causam audiendam, cognoscendam et fine debito terminandam uti ex ipsius domini vicarii nostri personali informatione accepimus, per literas suas conclusit, sed quia uti intelligimus literae vicarii nostri ad vocationem et commissionem huiusmodi continentes non fuerunt dicto abbati notificatae, ut ab ulteriori processu eiusdem causae abstinendo supersedisset, ideo vice iterata et ex superhabundanti ex certis et rationalibus causis animum nostrum moventibus et inducentibus, causam ipsam inter praedictas partes qualitercumque quomodocumque et ex qualicumque ratione motam et intentatam, secundum quod eandem memoratus vicarius noster vobis commisisse, dinoscitur. Ita et nos de nostrae circumspectionis industria confisi, ipsam denuo et ex novo audiendam, cognoscendam et fine debito terminandam duximus committendam, immo committimus per praesentes cum omnibus et singulis suis incidentiis, emergentiis, dependentiis et connexis. [S. 112] Et cum potestate citandi dictas partes seu earum alterum ac alios quoscumque, quos ipse vel quorum altera nobis duxerit nominandos, communiter vel divisim quotiens fuerint opportunum, faciendoque quod decreveritis, per censuram ecclesiasticam et alia iuris remedia firmiter observari. Testes autem, si quos partes ipse aut earum aliqua ducere voluerint seu voluerit, quique nominati fuerint se se gratia vel odio, favore aut timore subtraxerint censura simili compellatis veritatis testimonium perhibere, volentes nichilominus, ut citationem, inhibitlonem vestris legittimis praecedentibus in causa ipsa inter praedictas partes procedere et iustitiam facere ac eis amministrare debeatis. Datum Strigonii feria quarta proxima ante dominicam iudica, anno domini MCCCC^mo XLIII.


1) Hierauf V, Anfang von n gestrichen.^{^}
2) Vorlage aduoim. ^{^}
3) Hierauf iterum durchgestrichen.^{^}