Urkunde Nr. 2457 aus Band V

Seite im UB:

113-114

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 30 817.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2457

Kokelburg 1443 Mai 22 Der siebenbürgische Woiwode Johannes von Hunyad schenkt Symon Magnus, dem Kastellan von Talmesch, die Hälfte des zur Burg Talmesch gehörenden Prädiums Racoviţa.

Nos Johannes de Hunyad vaivoda Transsiluanus Siculorumque et Themesiensis necnon de Zolnok comes, banus Zewriniensis capitaneusque Nandor Albensis memoriae commendamus tenore praesentium significantes quibus expedit universis, quod nos attentis et consideratis fidelitatibus et fidelium obsequiorum gratuitis meritis egregii viri Symonis Magni, filii Egidii filii Jacobi de Bayon, castellani castri Thulmacz egregii Nicolai de Vizakna vicevaivodae nostri Transsiluani per eundem in diversis nostris exercitibus et conflictibus contra saevissimos et infelices Turcos christianae¹⁾ religionis emulos per varia locorum tempora uti per virum fortem et constantem firme commodi suo non parcendo regiis primum culminibus demumque nobis alacrius indeside ac agilitate sedula hactenus et usque modo exhibitis scilicet pro futuro exhibendis aequalem et [S. 114] praecisam medietatem puta portionem regiam cuiusdam praedii Reker vocitati sub praetacto castro Thulmacz habiti et ad idem spectare et pertinere dinoscentis simul cum universis ipsius utilitatibus et pertinentiis quibuslibet terris scilicet arabilibus cultis et incultis, arvis, agris, pratis, fenetis, arundinetis, silvis, lutis, saltibus, rubetis, indaginibus, vepribus, montibus, collibus, alpibus, rupibus, vallibus item vineis vinearumque promontoriis et territoriis, aquis, fluviis fortibus, rivis, fluminibus, stagnis, paludibus, amnibus, piscinis, piscaturis pisciumquoque captivis aquiductoribus aquarumque decursibus, alveis, molendinis ac locis molendinorum et generaliter quarumlibet utilitatum earundem integritatibus et generibus emolumentorum quovis nominis vocabulo vocitatis omni eo iure quo per priores eiusdem tentores et possessores legitimos a dudum ac pro regia culmina hactenus sub eiusdem veris metis et antiquis limitibus usum fuerit et conservatum exstiterit auctoritate et in persona regiae serenitatis eiusdem de liberali benignitate confisi ad instantem petitionem et humillimam requisitionem praelibatis Nicolai vicevaivodae memorati Symoni Magno ac Alexio fratri eiusdem uterini et per eos in filios filiorum et heredum per heredes successorum et posteritatem eorundem dandam, donandam duximus et conferendam sub spe et conditione iterata vice denuoque et ex novo a regia serenitate eisdem impertiri et confirmari procurandi eosdem in eadem, imo damus, donamus et conferimus iure perpetuo et irrevocabiliter tenendam, possidendam pariter et habendam harum nostrarum pendenti sigillo nostro munitarum et testimonio praesentium mediante. Datum in Kwkwlwar in festo beatae Elenae reginae, anno domini M^o CCCCXL tertio, salvo tamen iure alieno semper remanente.


1) Vorlage: Christiani. ^{^}