Urkunde Nr. 280 aus Band I

Seite im UB:

209-210

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

280

1298 Januar 13 Das Weissenburger Kapitel bezeugt, dass Bischof Petrus des Banus Mykud Besitzung Szászlona gegen seine Besitzungen Marosujvár und Foludi eingetauscht hat.

Nos capitulum Albensis ecclesiae beati Mychaelis archangeli Transsiluanae memoriae commendantes significamus quibus expedit universis, quod venerabilis pater Petrus dei gratia episcopus Transsiluanus praelatus noster, qui diligenti studio statum ecclesiae beati Mychaelis augmentavit et in suis possessionibus de die in diem studet ampliare, ad nostram accedens praesentiam confessus dixit, quasdam duas villas suas episcopales contiguas, Vyuar et Foludi vocatas, per concambium a Petro comite filio Sampsonis et Nycolao filio eiusdem necnon et a magistro Saulo fratre ipsius comitis Petri, pro villa sancti Regis de iuxta Aranas, quae ab antiquo episcopalis fuerat, ad eum et per eum ad episcopatum devolutas inspecta utilitate terrae et villae Louna vocatae, quae inter terras et possessiones episcopales Gyolo et Fenes sita existit, pro ipsa terra seu villa Lona, celebrato permutationis contractu Mykud bano praesentialiter coram nobis comparenti et per eum suis heredibus heredumve suorum successoribus in concambium dedisse et tradidisse, et per ipsum Mykud banum nomine suo et nomine filiorum suorum Nycolai videlicet Demetrii et Petri, prout ex confessione ipsius constitit esse receptas et habitas et terram sive villam Lona, quam a parte monasterii Garab, ubi idem ius patronatus obtinet, asserit per concambium ad se devolutam, in ius et proprietatem ipsius domini episcopi et per eum suorum successorum irrevocabiliter transtulisse ius dominii et possessionis, quod ipsi Mykud bano et filiis suis in praedicta villa competebat, a se penitus abdicando. Pactionibus et conditionibus ab utraque parte talibus intersertis, quod si Mykud banus et filii sui ac filiorum heredes dominum episcopum et suos successores in pacifica possessione terrae seu villae Lona tenere non possent vel nollent suis laboribus et expensis defensare, ex tunc ad poenam centum marcarum tenerentur, pro quibus centum marcis villa Almas, ubi ecclesia lapidea in honore beati Demetrii est constructa, ad cautelam futurorum episcopatui ex nunc remanet obligata et pignori data tamdiu retinebitur, donec de ipsis centum marcis per praedictos vel eorum heredes fuerit satisfactum, et nihilominus praedictae duae villae quas dominus episcopus in concambium eisdem tradidit ad ius et proprietatem episcopatus sine aliqua quaestione revertentur. Si vero dominus episcopus vel sui successores praefatum Mykud banum filios suos et filiorum heredes in pacifica possessione villarum iam dictarum tueri non possent vel nollent, tunc per eundem dominum episcopum et suos successores in proprietatem [S. 210]et possessionem villae sancti Regis, quae in concambium villarum Vyuar et Foludi transivit rescisso contractu huiusmodi concambii inter dominum episcopum et filios Sampsonis celebrato, Mykud banus et sui successores introducentur et nihilominus de bonis episcopalibus eidem Mykud bano et suis successoribus quinquaginta marcae tempore suae introductionis in villam sancti Regis sine aliqua contradictione assignabuntur. Dominus etiam episcopus in additamentum concambii per eum dati dedit ipsi Mykud bano decimas de Nayglok, de Vyuar, de Foludi et de omnibus possessionibus ipsius Mykud bani hoc anno provenientes episcopatumque contingentes praeter quartam archidiaconalem et portionem sacerdotum. Dedit etiam decem marcas partim in denariis, partim in aestimatione¹⁾ denarios valenti. Et quia utraque pars contractum taliter celebratum firmitate literarum nostrarum sollennizari et sollennizatum roborari voluit,²⁾ pro eo praesentes literas parti utrique concessimus sigilli nostri munimine roboratas. Datum in octavis epiphaniarum domini, anno eiusdem M^o CC^o LXXXX^o octavo.


1) Vorlage: extimatione.^{^}
2) Fehlt in der Vorlage.^{^}