Urkunde Nr. 2468 aus Band V

Seite im UB:

121-122

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 106.

Druckvorlage:

nach Original

Abdruck als:

Volltext

Sprache:

Latein

---

2468

Gran 1443 November 12 Dionysius, Erzbischof von Gran, versichert dem Rat von Hermannstadt, dass er den Dekan des Hermannstädter Kapitels nie zur Einengung der weltlichen Gerichtsbarkeit veranlasst habe, und weist den Dekan Christian an, bei der Ausübung ihm übertragener erzbischöflicher Befugnisse in diesem Sinne zu verfahren. [S. 122]

Sagaces et circumspecti viri, amici nostri carissimi. Recepimus literas vestras, et earum continentias sane intelleximus ad quarum contenta vobis respondendo dicimus, quod nos nunquam iura vestra privilegiata ac consuetudines vestras hactenus approbatas, sicuti scribitis, infringere seu aliquid in contrarium attemptare vel attemptari facere, neque vos in eis destituere, sed nec eas irritas habere anhelavimus immo quod plus est, nusquam literas nostras in derogamen huiusmodi vestrorum iurium privilegiatorum, uti intimatis, decano aut cuipiam alio aliquo dedisse recordamur, quae iam dictis vestris iuribus privilegiatis, seu etiam consuetudinibus vestris praerogari possint. Querulantibus vero et petentibus, si quibus literas nostras commissionales vel alias quascumque dederimus veluti ex nostri pastoralis officii debito tenemur has iuridice et iustitia suadente eis concessimus, nec eas cuipiam, sed nec iuri vestro in nullo praerogari credimus verum praefato decano facultatem indulsimus, ut ipse querelas cunctorum nostrae ordinariae iurisdictioni subiectorum forum ecclesiasticum dumtaxat respicientes audire, cognoscere, decidere, iudicare et finaliter fine debito terminare possit atque valeat, qui si ea facultate se in causas saeculares intermiserit, cui huiusmodi nostra facultas in nullo suffragetur. Qua de re ecce serie aliarum literarum nostrarum commisimus memorato venerabili domino Cristanno doctori moderno decano Cibiniensi, quatenus ipse ad causas, quae forum concernunt saeculare, vigore literarum nostrarum nullatenus se intromittere, seu in eis ad nullorum instantiam procedere debeat. Omnes vero alias causas iurisdictioni nostrae subiectas et forum ecclesiasticum tangentes, sicuti prioribus ita praesentibus literis nostris cognoscendi, audiendi, decidendi et fine debito terminandi omnimodam facultatem concedimus. Datum Strigonii duodecima die Novembris, anno domini M^o CCCC^o XLIII^o.

Auf der Rückseite vom Schreiber der Urkunde: Sagacibus ac circumspectis viris iudici et iuratis consulibus civitatis Cybiniensis et cetera amicis nostris carissimis. Dyonisius cardinalis, archiepiscopus Strigoniensis.


a) Seitenumbruch nach Kopfregest.^{^}