Urkunde Nr. 281 aus Band I

Seite im UB:

210-211

Heute in:

Neumarkt am Mieresch, Staatsarchiv [Direcţia Judeţeană Mureş a Arhivelor Naţionale ale Romȃniei, Târgu Mureș]

Heutige Signatur:

Pfarrarchiv Schässburg [Parohia evanghelică CA Sighişoara] (Inventar 539).

Druckvorlage:

nach Original

Abdruck als:

Volltext

Sprache:

Latein

---

281

Rom 1298 März 20 Die Erzbischöfe Basilius und Johannes und acht Bischöfe ertheilen der Kirche der Predigermönche in Schässburg einen Ablassbrief.

Universis Christi fidelibus praesentes literas inspecturis nos miseratione divina frater Basilius Jerosolimitanus Armenorum, frater Johannes Ituritanus archiepiscopi, frater Matheus Vegliensis, frater Lambertus Aquinensis, frater Stephanus Balneoregensis, [Aretinus] Ildebrandinus, frater Romanus Cr[oiensis], Adam Marturanensis, Landus Suanensis, Andreas Venefranensis episcopi salutem in domino sempiternam. Splendor paternae gloriae qui sua mundum illuminat ineffabili claritate pia vota fidelium de clementissima ipsius maiestate sperantram tunc praecipue benigno favore prosequitur, cum devota ipsorum humilitas sanctorum precibus et meritis adiuvatur. Quapropter cupientes ut ecclesia fratrum³⁾ Praedicatorum de Schespurch Wizzenburgensis diocesis congruis honoribus a Christi fidelibus frequentetur, et frequentantes, pro temporali labore multa maiora retribuet quam valeant promereri, omnibus vere poenitentibus et confessis, qui ad dictam ecclesiam in festivitate beatae Mariae, in cuius honore dicta ecclesia est constructa, et in omnibus festivitatibus subscriptis videlicet nativitatis, resurrectionis, ascensionis domini et Penteconstes necnon nativitatis, purificationis, annun- [S. 211] ciationis et assumptionis beatae Mariae virginis gloriosae, in commemoratione omnium sanctorum, in festivitatibus apostolorum Petri et Pauli et omnium aliorum apostolorum et per octavas ipsarum festivitatum immediate sequentes necnon in beatorum Michaelis archangeli, Laurencii et Petri de ordine Praedicatorum, martyrum Nicolai et Martini confessorum, Margaretae, Caterinae et Mariae Magdalenae festivitatibus et in dedicatione ecclesiae supra dictae causa devotionis et orationis accesserint et ibidem missam audierint, vel pro pace universalis ecclesiae oraverint mente pia aut pro reparationibus, emendationibus, structuris, luminaribus, calice, ornamentis, structuris, vestimentis, libris, campanis vel aliis quibuscumque dictae ecclesiae necessariis manus porrexerint adiutrices, vel qui in bona sui corporis sanitate seu etiam in extremis laborantes quidquam facultatum suarum legaverint modo licito ecclesiae supra dictae, de omnipotentis dei misericordia et beatorum Petri et Pauli apostolorum eius auctoritate confisi singuli nostrum singulas dierum quadragenas de imunctis sibi poenitentiis misericorditer in domino relaxamus, dum modo diocesani voluntas ad id accesserint et consensus. In cuius rei testimonium praesentibus nostra sigilla iussimus appensione muniri. Datum Romae, die XX^o. mensis Marcii, XI^e indictionis, pontificatus [domini] Bonifacii papae VIII. anno quarto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 210 (1-2 zu voranstehender Urkunde).^{^}

3) Vorlage: fratruum.^{^}