Urkunde Nr. 2484 aus Band V

Seite im UB:

130-131

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 52.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2484

Gran 1444 Mai 1 Erzbischof Dionysius von Gran bestätigt den zum Dechanten des Hermannstädter Kapitels erwählten Grossauer Pfarrer Michael in seinem Amt.

Dionisyus¹⁾ miseratione divina tituli sancti Ciriaci in termis sacrosanctae Romanae ecclesiae presbyter cardinalis, archiepiscopus Strigoniensis, locique eiusdem comes perpetuus primas et apostolicae sedis legatus natus dilecto nobis in Christo honorabili viro domino Michaeli baccalaureo in decretis, rectori ecclesiae parrochialis beati Servatii de Insula Christiana nostrae iurisdictionis salutem et paternam in domino benedictionem. Quod quia inter sollucitudines nostras assiduas, quae nostro pastorali incumbunt officio circa almam nostram ecclesiam Strigoniensem sollicite considerationis intuitu dirigere convenit ipsamque et eius iurisdictionem auctore domino prosperi status plenitudine atque virtutum insigniis gratulari et iusto aequitantis moderamine liberali et circumspecta providentia providaque circumspectione gubernari et salubrius incrementis efferi desideramus. Ad statum tamen debitum sedis Cybiniensis nostrae( ) ²⁾ iurisdictionis feliciter prospere et salubriter dirigendo reddimur eo altentiori cura solliciti quo diligentiori regiminis studio indigere noscatur. Sperantes igitur quod per tuae personae debitae scientiae qualitatem, provi- [S. 131] dentiae donum, discretionis virtutem, industriae munus, circumspectionis gratiam aliarumque titulis declarationis³⁾ virtutem et diligentae studium poterit eiusdem sedis statui super hoc salubriter provideri, vacante siquidem de iure et de facto decanatu sedis praedictae Cybiniensis, cuius electio, nominatio et praesentatio ad honorabile capitulum eiusdem sedis pleno iure dinoscitur pertinere, te ad praesentationem, nominationem et electionem omnium ecclesiarum parochialium rectorum et plebanorum in et sub eadem sede Cybiniensi constitutorum de te nobis legitime factam de eodem decanatu te instituimus, investimus tenore praesentium et confirmamus dantes et concedentes, tribuentes et committentes tibi plenam et expressam, liberam et omnimodam in praesentibus facultatem, licentiam et potestatem atque iurisdictionem dictum decanatus officium sollerter et prudenter gerendi et exercendi omnes et singulos nobis et ecclesiae nostrae praedictae ordinaria iurisdictione in eodem decanatu et sede Cybiniensi subiectos corrigendi, emendandi canonice pro eorum excessibus puniendi querelas cunctorum nobis praemissa ordinaria iurisdictione subiectorum audiendi, cognoscendi, decidendi, iudicandi sentialiter ac fine debito terminandi sententias quascumque ferendi, debitae executioni demandandi, faciendi et praecipiendi prout de iure tibi videbitur melius expediri omnesque et singulos nobis et ecclesiae nostrae praedictae auctoritate supraexpressa subiectos in omnibus casibus etiam nobis reservatis absolvendi, confessores nostri in persona plenarie constituendi omnesque et singulos plebanos et ecclesiarum parochialium et capellarum curatorum et non curatorum ac altarium rectores ad praesentationem verorum patronorum et legitimorum confirmandi, censuras ecclesiasticas in quosvis tibi rebellare volentes ferendi et executioni debitae demandandi et generaliter omnia et singula, quae ad huiusmodi decanatus officium ab antiqua et approbata consuetudine quomodolibet pertinere noscuntur faciendi, gerendi et exercendi tibi tenore praesentium concedimus omnimodam facultatem praesentiam sub anularis sigilii nostri appensione testimonio literarum mediante. Datum Strigonii prima die Maii, anno domini millesimo quadringentessimo quadragesimo quarto.


1) In verlängerter Schrift.^{^}
2) Rasur 2 cm.^{^}
3) Später mit anderer Tinte nachgezogen.^{^}