Urkunde Nr. 2486 aus Band V

Seite im UB:

132-134

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2486

Rom 1444 Mai 13 Papst Eugen IV. fordert die Äbte von Kolozsmonostor und Kerz auf, die siebenbürgischen Dominikaner- und Franziskanerniederlassungen gegen Bedrückungen in Schulz zu nehmen.

Eugenius episcopus servus servorum dei venerabili fratri archiepiscopo Strigoniensi et dilectis filiis de Closmonostra et de Candelis Transilvanae diocesis monasteriorum abbatibus salutem et apostolicam benedictionem. Militanti ecclesiae licet immeriti disponente domino praesidentes circa curam ecclesiarum ac monasteriorum et aliorum religiosorum locorum omnium solertia reddimur indefessa solliciti, ut iuxta debitum pastoralis officii eorum occuramus dispendiis et profectibus divina cooperante clementia salubriter intendamus. Sane dilectorum filiorum universorum professorum tam fratrum praedicatorum, quam minorum ordinum in domibus partium Transsilvaniensium regni Ungariae eorundem ordinum commoratium conquestione percepimus, quod nonnulli archiepiscopi, episcopi aliique ecclesiarum praelati et clerici ac ecclesiasticae personae tam religiosae quam saeculares necnon duces, marchiones, comites, barones, nobiles, milites et laici communia quaque civitatum, universitatum, oppidorum, castrorum, villarum et aliorum locorum ad aliae singulares personae civitatum et diocesium et aliarum partium diversarum occuparunt et occupari fecerunt fructus, census, redditus et proventus at nonnulla alia res et bona mobilia et immobilia ac iura spiritualia et temporalia ad domus ipsas spectantia et ea detinent indebite occupata, seu ea detinentibus praestant auxilium, consilium vel favorem ac super illis multiplices molestias et iniurias inferunt et iacturas. Quare dicti professores nobis humiliter supplicarunt, ut cum eisdem valde reddatur difficile pro singulis querelis ad apostolicam sedem habere recursum, providere ipsis super hoc paterna diligentia curaremus. Nos igitur detentores, occupatores, praesumtores, molestatores et iniuratores huiusmodi illo volentes eisdem professoribus subvenire remedio, per quod ipsorum compescatur temeritas et aliis aditus committendi similia praecludatur, discretioni vestrae per apostolica scripta mandamus, quatenus vos vel duo aut unus vestrum per vos vel alium seu alios etiam si sint extra loca in [S. 133] quibus deputati estis, conservatores et iudices praefatis professoribus ac eorum in dictis domibus pro tempore successoribus efficacis defensionis praesidio assistentes non permittatis eosdem super his et quibuslibet aliis bonis et iuribus ad domos praefatas spectantibus ab eisdem vel quibusvis aliis indebite molestari vel eis gravamina seu damna vel iniurias irrogari, facturi dictis professoribus et successoribus, cum ab eis vel procuratoribus suis aut eorum aliquo fueritis requisiti, de praedictis et aliis personis quibuslibet super restitutione terrarum, domorum et aliorum locorum iurisdictionum, iurium et bonorum nobilium et immobilium reddituum quoque et proventuum et aliorum quorumcumque bonorum necnon de quibusvis molestiis, iniuriis atque damnis praesentibus et futuris, in illis videlicet quae iudicialem requirunt indaginem, summarie de plano sive strepitu et figura iudicii in aliis, prout qualitas eorum id exegerit, iustitiae complementum occupatores seu detentores, praesumtores, molestatores et iniuratores huiusmodi necnon contradictos quoslibet et rebelles cuiuscumque dignitatis, status, gradus, ordinis vel conditionis extiterint, quandocumque et quotienscumque expedierii auctoritate nostra per censuram ecclesiasticam appellatione postposita compescendo, invocato ad hoc si opus fuerit auxilio brachii saecularis, non obstantibus t a m felicis recordationis Bonifacii papae VIII praedecessoris nostri, in quibus cavetur, ne aliquis extra suam civitatem et diocesim, nisi in certis exceptis casibus, et in illis ultra unam dictam a fine suae diocesis ad iudicium evocetur. Seu ne iudices et conservatores, a sede deputati praedicta extra civitatem et diocesim, in quibus deputati fuerint contra quoscumque procedere sive alii vel aliis vices suas committere aut aliquos ultra unam dictam a fine diocesis eorundem trahere praesummant, et de duabus dictis in concilio generali editis, dummodo ultra duas dietas aliquis auctoritate praesentium non trahatur; seu quod aliis quam de manifestis iniuriis et violentiis et aliis, quae iudicialem requirunt indaginem, poenis in eos, si secus egerint, et in id procurantes adicetis, conservatores se nullatenus intromittant, quam aliis quibuscumque constitutionibus a praedecessoribus nostris Romanis pontificibus de iudicibus delegatis et conservatoribus, qua personis ultra certum numerum ad iudicium non vocandis, aliis editis, quae nostrae possint in hac parte iurisdictioni aut potestati eiusque libero exercitio quomodolibet obviare; seu si aliquibus communiter vel divisim a praedicta sit sede indultum, quod excommunicari, suspendi vel interdici seu extra certa loca ad iudicium evocari non possint, per literas apostolicas non facientes plenam et expressam ac de verbo ad verbum de indulto huiusmodi et eorum (personis, locis, or)¹⁾dinibus et nominibus propriis mentionem et qualibet alia dictae sedis indulgentia generali vel speciali cuiuscumque tenoris existat. Per quam praesentibus non expressam vel totaliter non insertam nostrae iurisdictionis explicatio in hac parte valeat quomodolibet impediri et de qua cuiusque toto tenore habenda sit de verbo ad verbum in nostris literis mentio specialis. Ceterum volumus et auctoritate apostolica decernimus, quod quilibet vestrum prosequi valeat articulum etiam per alium inchoatum quamvis, idem inchoans nullo fuerit impedimento canonico praepeditus, quodque a dato praesentium sit vobis et unicuique vestrum in praemissis omnibus et eorum singulis coeptis et non coeptis, praesentibus et futuris perpetuata potestas et iurisdictio attributa, ut eo vigore eaque firmitate possitis in praemissis omnibus coeptis et non coeptis, praesentibus et futuris et praedictis procedere ac si praedicta omnia et singula coram vobis coepta fuissent et iurisdictio vestra et cuiuslibet vestrum in praemissis omnibus et singulis per citationem vel modum alium perpetuata legittime extitisset constitutione praedicta super conservatoribus et alia qualibet in contrarium edita non obstante praesentibus post viginti annos a dato praesentium computandos minime valituris. Datum Romae apud sanctum Petrum, anno incarnationis do- [S. 134] minicae millesimo quadringentesimo quadragesimo quarto²⁾ tertio idus Maii,pontificatus nostri anno quartodecimo.

Auf der Plica links: R. de Ariminio.

Unter der Plica rechts:Gratis de mandato domini papae, Arnoldus.


1) Im Bruch unleserlich.^{^}
2) Von hier mit anderer Tinte.^{^}