Urkunde Nr. 2491 aus Band V

Seite im UB:

135-136

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 107.

Druckvorlage:

nach Original

Abdruck als:

Volltext

Sprache:

Latein

---

2491

Thorenburg 1444 Mai 25 Der Woiwode Johannes von Hunyad bestellt den Altbürgermeister Jakob zum Kammergrafen der Hermannstädter Münze und befiehlt allen Bewohnern Siebenbürgens, die Gold- und Silbereinlösung nur in dieser Kammer vorzunehmen.

Johannes de Hwnyad inter cetera vaivoda Transsiluanus et cetera universis et singulis nobilibus, officialibus et alterius cuiusvis status et conditionis possessionatis hominibus, item civitatibus et liberis villis, ipsarumque rectoribus, iudicibus et villicis¹⁾ in his partibus Transsiluanis ubivis constitutis et existentibus praesentium notitiam praecepturis, nobis grate et sincere dilectis, salutem cum incremento omnis boni. Quia cameram et cusionem monetae regalis in civitate Cibiniensi de regia commissione novissime inchoatae²⁾ emptionemque ac cambium auri et argenti necnon commutationem priorum et aliarum quarumcumque monetarum harum praesentium per dictam regiam serenitatem et regnicolas iam abolitarum et omnino annullatarum circumspecto viro Jacobo alias magistro civium ipsius civitatis Cibiniensis contulimus et eius expeditionem comisimus volentes, totum et omne argentum monetamque in his partibus Transsiluanis usque modo cursum habentem et alias quaslibet per praetactum Jacobum camerarium praedictae monetae et suos homines ac familiares per ipsum deputandos et neminem alium pro pretio condigno emi comparari cambirique et commutari. Idcirco vestris dilectionibus harum serie firmissime praecipimus et mandamus, quatenus dum et quando ac quam primum et quotienscumque praefatus Jacobus camerarius monetae antedictae homines et familiares suos pro emendo huiusmodi argento, cambioque et commutatione praelibatae antiquae seu alterius cuiuscumque monetae per iam fatum dominum nostrum regem et regni Hungariae praedictos regnicolas modo ut praefertur abolitae et revocatae ubicumque in istis partibus Transsiluanis, vestri [S. 136] in medium harum sub confidentia, transmiserit vel solus, sola sua in persona venerit, tunc eosdem favorabiliter pertractando talismodi eisdem emere et monetam cambire emique et cambire facere permittatis et per vestros permitti faciatis. Si qui autem in huiusmodi argenti emptione et monetae antedictae campsione contra hoc nostrum mandatum se ingerere praesumpserint, tales idem Jacobus camerarius aut homines et familiares sui detinendi in persona et rebus ac poena per regiam serenitatem et regnicolas talismodi mandati et decreti stabiliti et editi transgressorcs feriendi et plectendi plenissimam habeant potestatis facultatem auctoritate regia ac nostra praesentibus ipsis per nos attributa mediante, eosdemque ab omnibus impeditoribus dum per ipsos requisiti fueritis vestris auxiliis, subsidiis, consiliis et favoribus protegere, tueri et detensare velitis et eisdem semper opportunis assistere debeatis. Secus nullatenus facere praesumatis in praemissis. Praesentes post carum lecturam exhibentis manibus volumus remanere. Datum in Torda feria secunda in festo beati Vrbani papae, anno domini millesimo quadringentesimo quadragesimo quarto.


1) Vorlage villiciis.^{^}
2) Vorlage inchonatae. ^{^}