Urkunde Nr. 2504 aus Band V

Seite im UB:

144-145 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2504

Mühlbach 1444 Juli 15 Der siebenbürgische Woiwode Johannes von Hunyad bestätigt das Weissenburger Kapitel in dem Besitz von Kleinschergied in den Grenzen, wie es Michael von Diod besessen. [S. 145]

Nos Johannes de Hwnyad inter ceteros honores vaivoda Transsiluanus significamus tenore praesentium quibus expedit universis, quod venientes nostri in praesentiam honorabiles domini de capitulo ecclesiae Transsiluanae, nobis querulose exponere curaverunt, quomodo condam nobilis Hedreh de Olchna quandam partem terrarum arabilium ad possessionem ipsorum Bolgarcherged vocatam pertinentem quas quondam egregius Michael de Dyod usque vitam suam semper pacifice et quiete possedisset et ipsi etiam usque modo in possessione dominii earundem terrarum extitissent, potentia sua mediante cum suis iobbagionibus easdem terras arrare et seminare bladaque et fruges de eisdem terris simulcum decimis deportari fecisset, in praeiudicium et dampnum ipsorum dominorum valde magnum. Et quia nos ad instantiam quondam dicti Hedreh¹⁾ alias ad faciem dictarum terrarum arabilium personaliter accesseremus, ubi nobis visum extitit et cognitum, ut dicta terra semper et ab antiquo ad praescriptam possessionem dictorum dominorum Borgarcherged vocatam pertinuisset et pertineret de praesenti, ob hoc nos ipsos dominos de capitulo in pacifico dominio earundem terrarum sub eisdem metis et terminis, sub quibus praefatus quondam Michael de Dyod possedit, iuxta declarationem et adiudicationem nobilium partium istarum Transsiluanarum Thordae in generali congregatione factam stare et easdem ad saepedictam possessionem Bolgarcherged pertinere permisimus et committimus. Harum nostrarum <ten>ore²⁾ literarum m<ediante>²⁾. Datum in Zaazsebes, in festo divisionis <apostolorum>²⁾ anno domini <millesimo quadringentesimo quadr>³⁾agesimo quarto.


a) Seitenumbruch nach Kopfregest.^{^}

1) Hierauf durchgestrichen alias.^{^}
2) Lücke 1,2 cm. [3x]^{^}
3) Lücke 4,4 cm.^{^}