Urkunde Nr. 2511 aus Band V

Seite im UB:

150-151

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 497 - Abt. 13: K. A. Heltau [Parohia Ev. CA Cisnadie], Nr. 8.

Druckvorlage:

nach Original

Abdruck als:

Volltext

Sprache:

Latein

---

2511

Reussmarkt 1444 November 12 Das Mühlbacher Kapitel beurkundet auf Bitten des Heltauer Pfarrers Nikolaus Mulenbecher zwei Zeugenaussagen in Angelegenheit des Zehntstreites zwischen Michelsberg und Heltau.

Nos Michael, plebanus de Ludas, decanus superioris et inferioris decanatus Sebes universique plebani et ecclesiarum parochialium rectores in et sub praedicto decanatu residentes et commorantes memoriae commendantes significamus in his scriptis quibus expedit universis, quod reverendus vir magister Nicolaus plebanus de Heltha coram nobis constitutus in sessione nostra publica honorabiles et discretos viros dominum Andream, plebanum de Retsch, baccalaureum in decretis et Nicolaum, plebanum de Apoldia superiori praedicti nostri decanatus confratres instanter requirendos petivit, quatenus sub fidei ipsorum¹⁾ paternitate recognoscerent, quid ipsis constaret de metis castri vel montis beati Michaelis archangeli et de ecclesia in eodem monte vel castro in honore praescripti patrocinii beati Michaelis erecta, ad quos vel ad quem praedictum castrum et ecclesiam cum metis de iure spectare et pertinere scirent. Quiquidem plebani iam dicti sic ut praefertur requisiti non coacti non seducti minime corrupti nec terrore concussi ad conscientias ipsorum deo debitas fassi sunt eo modo. Primo praenarratus dominus Andreas plebanus de Retsch iuris canonici baccalaureus fassus est, quod elapsis iam quadraginta annis dum tempore domini Hermanni plebani de iamdicta Heltha moram per aliquod tempus traxisset in eadem omnes decimae [S. 151] tam de agris quam de campis ex utraque parte fluvii a castro vel prope castrum sancti Michaelis versus Heltham fluentis usque ad praenotatum castrum atque montes ex opposito eiusdem castri situatas²⁾ et etiam oblationes in praedicta ecclesia beati Michaelis archangeli montis seu castri praenotati a Christi fidelibus fieri solitas cum omnibus ecclesiae eiusdem iuribus et proventibus in usum praedicti domini Hermanni plebani de Heltha iurisdictionis Strigoniensis ad curiam et domum dotis ecclesiae suae parochialis in honore beatae Walpurgae virginis erectae tamquam vero et legitimo possessori fuissent reposita quae omnia absque impedimento aliquali et omni contradictione quorumcumque iusto titulo et vero dominio de iure et antiquata consuetudine possedisset et castrum praetitulatum simulcum terris circumiacentibus, campis et silvis, agris, fenilibus et omnibus utilitatibus pro usu hospitum et incolarum universorum de praetacta villa Heltha³⁾ videlicet parochianorum praescripti domini Hermanni plebani vero et iusto titulo semper hucusque pertinere et spectare scivisset. Alter vero Nicolaus plebanus in Appoldia superiori fassus est, quod cum ipse tempore domini Bartholomei plebani de Heltha praecessoris magistri Nicolai Mulenbecher dicti moderni plebani de eadem fuisset plebanus ecclesiae parochialis gloriosissimae virginis Mariae semper benedictae in villa de sub pede montis castri beati Michaelis archangeli Michelsberg vocata, non ipse Nicolaus sed iamdictus dominus Bartholomeus plebanus de Heltha oblationes et offertoria in summis festivitatibus duplicibus et semiduplicibus festis dominicis et ferialibus diebus singulis temporibus anni unacum decimis t a m de agris quam de campis ut praemissum est ex utraque parte fluvii a castro praedicto vel prope castrum versus Heltha fluentis absque omni impedimento et contradictione libere et pacifice levasset et in usum suum iusto et vero titulo⁴⁾ convertisset, similiter ipsius domini Bartholomei parochiani et universi populi de saepedicta Heltha semper in temporalibus hucusque usi fuissent omnibus proventibus et utilitatibus saepedicti castri et terris circumferentialibus campis, fenilibus et silvis praeterquam⁵⁾ quod in una particula terrarum praedictarum per specialem et caritativam annuentiam praenarrati domini Bartholomei plebani de Heltha decimas per unum annum levasset. Super quibus omnibus fassionibus et attestationibus praedictis praetactus magister Nicolaus Mulenbecher plebanus de Heltha debita cum instantia nos requisivit, quatenus literas nostras testimoniales sibi elargiri dignaremur. Nos itaque iustis suis petitionibus inclinati communi iustitia suadente ad cautelam sui iuris praesentes literas nostras sigillo nostri decanatus munitas in testimonium omnium praemissorum eidem⁴⁾ duximus concedendum. Datum in Rewsczmarkt feria quinta proxima post festum beati Martini episcopi et confessoris, anno domini millesimo quadringentesimo quadragesimo quarto.

Auf der Rückseite von gleichzeitiger Hand: Testimonium receptum per decanum⁶⁾ Zazsebes in causa capellae sancti Michaelis ad petitionem decani Cibiniensis.


1) Mit anderer Tinte über der Zeile nachgetragen.^{^}
2) Vorlage situatus.^{^}
3) Vorlage Hetha.^{^}
4) Über der Zeile nachgetragen. [2x]^{^}
5) Quam über der Zeile.^{^}
6) Hierauf S durchgestrichen.^{^}