Urkunde Nr. 2518 aus Band V

Seite im UB:

157

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 43.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2518

Pest 1445 Mai 12 Dionysius, Erzbischof von Gran, befiehlt den Dekanen von Hermannstadt und Kronstadt, dass auf ihrem Kapitelsgebiet kein päpstlicher Auftrag ohne sein Wissen und seine Zustimmung durchgeführt werde.

Dionisius miseratione divina sanctae Romanae ecclesiae tituli sancti Ciriaci in termis presbiter cardinalis archiepiscopus Strigoniensis locique eiusdem comes perpetuus primas et apostolicae sedis legatus dilectis hobis in Christo venerabilibus viris dominis ... Cibiniensi et ... Brassouiensi decanis nostrae diocesis et iurisdictionis salutem in domino. Noveritis ad nostram quorundam veridicorum expositione devenisse audientiam, qualiter nonnulli religiosi fratres tam praedicatorum quam minorum et quivis aliorum ordinum in partibus Transsiluanis degentium¹⁾ vigore certarum literarum apostolicarum absque speciali nostro consensu et scitu simplices et iuris ignaros nonnunquam indebite et sinistre vexare et pauperes taxare ac ceteros errores ignominiosos et utique abusivos in populo christiano excitare consuevissent allegantes eis a domino apostolico fore indultum. Ne igitur error cui non resistitur videntur approbare ex eo etiam quoniam ex nostri pastoralis officii debito nostri interest omnium ecclesiarum nostrae iurisdictioni subiectarum indemnitati et animarum saluti providere vestrae et cuiuslibet vestrum devotioni in virtute sanctae obedientiae et sub excommunicationis pena firmiter praecipientes committimus et mandamus, quatenus statim praesentibus universis et singulis plebanis ac ecclesiarum parochialium capellarumque et altarium rectoribus in et sub dictis vestris decanatibus constitutis et existentibus auctoritate nostra per praesentes vobis in hac parte concessa sub pena mandatum apostolicum quodcumque exequi praesumant nisi prius et ante omnia illud nobis per ipsos fratres aut ipsorum procuratores legitimos in specie exhibeatur videaturque et cognoscatur si admittendum existat vel ommittendum ipsis quoque de huiusmodi mandati exhibitione nobis faciendum constiterit evidenter universos autem et singulos huiusmodi inhibitioni et commissioni vestris immo verius nostris parere recusantes seu recusantem auctoritate nostra praedicta per censuram ecclesiasticam compescendo. Datum in Pesth duodecima die Maii, anno domini millesimo quadringentesimo quadragesimo quinto. [S. 158]


1) Abschrift degentes. ^{^}