Urkunde Nr. 2524 aus Band V

Seite im UB:

160-161 ^a)

Druckvorlage:

nach anderem Urkundenbuch

Abdruck als:

Volltext

Sprache:

Latein

---

2524

Rom 1445 Dezember 31 Papst Eugen IV. erteilt dem Rat von Hermannstadt die Erlaubnis, das vor den Toren der Stadt gelegene und bei einem Türkeneinfall [S. 161] abgebrochene Dominikanerkloster innerhalb der Stadtmauern wiederaufzurichten.

Eugenius... dilecto filio abbati monasterii beatae Mariae virginis de Kercz, Strigoniensis diocesis salutem... Pro parte dilectorum filiorum magistrorum ciuium et incolarum oppidi Cybiniensis, Strigoniensis diocesis, nec non iudicum iuratorum septem castrorum partium Transsiluanarum nobis nuper exhibita petitio continebat quod alias postquam perfidi et infideles Turci ac Christianae religionis et fidei inimici partes easdem in regno Hungariae consistentes debellatum intrarent, quum oppidum praedictum nedum ipsius regni sed totius fere Christianitatis ab illa parte contra ipsos infideles propugnaculum et quasi murus atque clypeus exsistat et ipsi ab eorum apparitionibus super eo quod infideles praefati in ipsorum regressu et maiori potentia oppidum praedictum aggredi et invadere intenderent notitiam susceperant eorumdem impetum infidelium pertimescentes ac desuper quantum poterant prouidere satagentes quandam ordinis fratrum praedicatorum prope et extra muros dicti oppidi consistentem domum duabus turribus et muris fortibus munitam ne ab ipsis infidelibus illa in eiusdem oppidi exterminium capi seu occupari posset usque ad chorum demoliri ac de illius lapidibus ipsa oppidi moenia ea fortificando reparari consolidarique fecerunt. Quum autem sicut eadem petitio subiungebat ciues, incolae, iudices et iurati praedicti pie considerantes, quod divinus cultus non minui sed potius augeri debeat in recompensam demolitionis praedictae domus et alias ob singularem quem ad fratres eiusdem ordinis gerunt devotionis affectum illam pro illorum usu et habitatione domum infra muros eiusdem oppidi construi et aedificari corde gerant sed dilectus filius plebanus oppidi praefati absque rationabili causa constructioni et fundationi contradicat pro parte eorundem magistrorum ciuium, incolarum, iudicum et iuratorum asserentium quod ex constructione et fundatione praedicta si fiat cultus ipse et praefatorum incolarum consolatio spiritualis illorumque animarum salus non mediocriter succedere poterunt nobis fuit humiliter supllicatum... Er erteilt die Erlaubnis, das Kloster innerhalb der Stadtmauern zu errichten... Datum Romae apud sanctum Petrum, anno incarnationis dominicae millesimo quadringentesimo quadragesimo quinto pridie Calendas ianuarii, pontificatus nostri anno quintodecimo.


a) Seitenumbruch im Kopfregest.^{^}