Urkunde Nr. 2545 aus Band V

Seite im UB:

171-172^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), T 37.

Druckvorlage:

nach Original

Abdruck als:

Volltext

Sprache:

Latein

---

2545

Lunca Mureşului 1446 Juli 25 Der Gubernator Johannes von Hunyad verbietet Stephan von Losoncz, auf seinen Besitzungen Huedin, Bonţida, Valasut und der Burg Bologa von den Klausenburgern Zölle anzuheben. [S. 172]

Johannes de Hwnyad regni Hungariae gubernator et vaivoda Transsiluanus magnifico Stephano filio quondam Ladislai filii bani de Losoncz fratri nostro salutem in fraternalem¹⁾ honorem. Exponitur nobis pro parte et in personis circumspectorum virorum iudicis et iuratorum civium ac totius communitatis civitatis Coloswar gravi sub querela, quod quamvis ipsi in possessionibus vestris puta Hwnyad, Bonchyda, Walazwth et suburbio castri Sebes iuxta contenta certarum praerogativarum gratiarum per divos reges ipsis concessarum et gratiose collatarum ac per nos in Coloswar revisarum et in praesenti generali nobilium, Siculorum ac Saxonum congregatione examinatarum tributa solvere non teneantur, tamen vestrae magnificentiae fraternitas eosdem querulantes contra huiusmodi ipsorum privilegia ad solutionem talismodi tributariam compelleretis undeque tributarii minus iuste astringerent libertatisque refutamen et privilegiorum ipsorum vilipendium manifestum. Unde vestrae magnificentiae fraternitatem praesentibus hortamur, nihilominusque vobis et universis exactoribus theloniorum vestrorum praesentibus et futuris in dictis vestris possessionibus constitutis et constituendis firmiter praecipiendo mandamus, quatenus visis praesentibus dictos cives et incolas civitatis Coloswar in annotatis vestris possessionibus ad dictam solutionem tributariam artare et compellere rationeque non solutionis tributi eosdem in personis seu rebus et bonis eorum impedire, gravare²⁾, dampnificare, perturbare non debeatis aut quovismodo molestari facere praesumatis, alioquin secundum regni dispositionem omnes et singulas possessiones tam vestrae magnificentiae quam aliorum, in quibus huiusmodi minus iusta exactio tributaria per quempiam tributariorum facta fuerit, indubitanter et sine omni irremissibili occasione sacrae regni Hungariae coronae auctoritate nostrae gubernationis officii occupare non praetermittimus et occupari facere, praesentibus perlectis exhibenti restitutis. Datum in praesenti nostra et nobilium Siculorumque ac Saxonum generali congregatione in villa Kochard celebrata feria secunda in festo beati Jacobi apostoli, anno domini millesimo quadringentesimo quadragesimo sexto.

Von der Kanzlei: Commissio propria domini gubernatoris et cetera.

Auf der Rückseite von einer Hand des 15. Jh.s: Item litera ut non tenemur solvere tributa in Ponczhyda, Hwnyady, Sebeswar.


a) Seitenumbruch nach Kopfregest.^{^}

1) Vorlage fraternalis.^{^}
2) Vorlage gravari, daminficari, perturbari.^{^}