Urkunde Nr. 2549 aus Band V

Seite im UB:

174-175 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 9.

Druckvorlage:

nach Abschrift

Abdruck als:

Volltext

Sprache:

Latein

---

2549

Gran 1446 August 9 Dionysius, Erzbischof von Gran, erinnert den Hermannstädter Bürgermeister Anthonius und den Königsrichter Johannes Zaz an die hin-[S. 175] sichtlich der Streitigkeiten mit der Geistlichkeit getroffene Entscheidung und warnt sie. die Rechte der Geistlichkeit weiter zu missachten.

Dyonisius miseratione divina tituli sancti Ciriaci in termis sanctae Romanae ecclesiae presbyter cardinalis archiepiscopus Strigoniensis dilectis nobis in Christo nobilibus et circumspectis viris Anthonio, magistro civium Cibiniensis, Johanni Zaz, iudici regio, ceterisque iudicibus et officialibus regiis partium Saxonicalium nostrae iurisdictioni spiritualis Strigoniensis subiectis salutem et paternam in domino benedictionem. Quia nuper dilectis nobis in Christo venerabili domino Anthonio, decretorum doctore plebano Cibiniensi, vice et in persona decani et plebanorum decanatus Cibiniensis ac vobis Johanne Zaz similiter vice et in persona vestri magistri civium et iudicum praedictorum coram nobis constitutis super nonnullis articulis et controversiis inter decanum et plebanos ac vos magistrum civium et iudices praedictos tunc emersis certam et iuridicam dedimus pro concordia declarationem, quam uterque ipsorum vice et nominibus quibus supra acceptavit ac ratam et gratam habuit. Nunc vero decano et plebanis praedictis nobis significantibus percepimus, quomodo vos magister civium et Johannes Zaz et ex vestra temeraria inductione etiam vos ceteri iudices Saxonum declarationem et ordinationem pacis praedictam vobis ac decano et plebanis praefatis per nos decretam minime observaretis immo in oppressionem ecclesiarum et personarum ecclesiasticarum usurpationemque iurium earundem certas fecissetis conspirationes et alias iurisdictionem ecclesiasticam nostram impediretis et illi vos temerarie ingereretis in animarum vestrarum periculum, damnum et praeiudicium ecclesiarum et personarum ecclesiasticarum praedictarum denique offensam manifestam. Unde nos periculis obviare ecclesiarum personarumque ecclesiasticarum indempnitate et iurium conservationi animarumque vestrarum saluti. Proinde volentes dilectioni vestrae et vestrum cuiuslibet sub excommunicationis poena committimus, quatenus decretum nostrae declarationis nuper vobis traditum prout per ambas partes acceptum et ratificatum fuit observare et alias ab oppressione ecclesiis et ecclesiasticis personis inferenda cessare et ab usurpatione iurium ecclesiasticorum debeatis desistere. Alioquin ad praemissa facienda per censuram ecclesiasticam invocato ad hoc brachii saecularis auxilio, si opus fuerit, vos compellere volumus et praetendimus. Datum Strigonii in vigilia sancti Laurencii martyris, anno domini M^o CCCC^o XL^mo sexto.


a) Seitenumbruch im Kopfregest.^{^}