Urkunde Nr. 2560 aus Band V

Seite im UB:

182-183

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 10.

Druckvorlage:

nach Original

Abdruck als:

Volltext

Sprache:

Latein

---

2560

Kronstadt 1446 November 30 Petrus, Kaplan der Kronstädter Martinskapelle, verweist den öffentlichen Notar Nikolaus Thoscha, der zur Instandhaltung einer zu dieser Kapelle gehörenden Hofstelle 42 Goldgulden vorgeschossen hat, auf die Einnahmen aus diesem königlichen Freihof.

In nomine domini amen. Cunctis hoc praesens scriptum lecturis pateat evidenter, quomodo ego Petrus presbyter, rector capellae montis sancti Martini extra muros opidi Braschouiensis recognosco publice et facio manifestum, quod honorabilis et providus vir Nicolaus Thoscha, publicus notarius inhabitator dicti opidi, tamquam singularis fautor et amicus meus in omni mea necessitate et signanter in negotiis annotatam capellam s[ancti] Martini concernentibus mihi seccurere consuevit saepius et specialiter pro plena adeptione curiae regalis, quae est ex opposito claustri sanctorum apostolorum Petri et Pauli in dicto oppido sita et ex regali donatione pro capellano et dictae capellae perpetualiter largita ex mera dilectione et caritate mihi in prompto quadraginta duos florenos auri Hungaricalis monetae concessit, quos ego ab eo recepi et pro evidenti utilitate dictae capellae exposui sibique et uxori suae ac eorum heredibus reddere, solvere et restituere si vixero, sin autem mei immediati in capella praefata successores promisi et promitto per praesentes, absque ipsius Nicolai uxoris et heredibus damno, dispendio et gravamine quibuscumque. Et quia meam et dictae capellae sancti Martini paupertatem intueor et considero, quod ita cito prout ipsi Nicolao Thoscha expediret praelibatos florenos solvere non valeo, etiam considero caritatem mihi per ipsum multipharie exhibitam quia in diversis turbulationibus, [S. 183] controversiis, adversitatibus, necessitatibus et penuriis mihi zelo fraternali caritate non ficta et totis viribus suis tam corpore quam rerum suarum expositione superastitit et affuit nunc defendendi causas et opiniones graves nunc accomodandi summulas pecuniarum et aliarum rerum in tantum, quod si certam sibi particulam fundi curiae annotatae assignassem perpetuando libere et dedissem iuxta rationem et formam iuris meruisset, quia in acutissimis laboribus meis et diversis obstaculis ad effectum causas diversarum annotatarum literarum mearum super fundo annotato perduxisse nonne potuissem, nisi continuos succursus adiutorii sui mihi affuisset. Idcirco caritatem caritate volens recompensare eidem Nicolao indulgeo et faveo ac plenam concedo libertatem a quolibet inquilino tam suorum censuum quam aliorum dictae curiae regalis unum florenum auri communem de censu singulis annis futuris recipere et levare possit et debeat quousque a me seu meis immediate successoribus, de dictis florenis fuerit plene persolutus et expeditus ita quod dicta levatione census non obstante integralem solutionem ipsorum quadraginta duorum florenorum auri a me seu meis successoribus debet levare prout superius est expressum. Perinde ac si de censu nihil denuo levasset, quia cum tanta summa annuatim potuisset in tantum acquisivisse vel plus, in quantum se extendit census praenominatus inquilinorum. In cuius rei evidentiam et legittimi roboris cautelam praesentibus signetum meum proprium in quo datur intelligi sculptura agnus dei est appensum uno cum altero sigillo venerabilis artium liberalium magistri Johannis Reudel, plebani ecclesiae parrochialis oppidi praedicti praesentibus venerabilibus et providis viris domino Andrea decano Braschouiensi, magistro Lauriskarg loci eiusdem, Johannes Jekels, vitrico capellae supradictae, Cristanno literato, Johannes Dimckauz, Petro Furman, clericis et laycis et aliis quam pluribus fidedignis ad hoc vocatis pariter et rogatis, anno domini M^o CCCC^o XLVI^o, in die sancti Andreae apostoli.


1) Lücke 0,3 + 2,1 cm.^{^}