Urkunde Nr. 2562 aus Band V

Seite im UB:

184

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 12.

Druckvorlage:

nach Original

Abdruck als:

Volltext

Sprache:

Latein

---

2562

1446 Dezember 22 Nikolaus von Salzburg, Vizegubernator von Siebenbürgen, quittiert dem Rat von Kronstadt und dem ganzen Burzenland den Empfang des Martinszinses.

Nos Nicolaus de Wyzackna alias vicevaivoda nunc vero inter ceteras honorum dignitates vicegubernator partium Transsiluanarum memoriae commendantes significamus tenore praesentium universis quibus expedit, quod quia providi et sincerae circumspectionis viri iudex, iurati civitatis Brassouiensis nec non seniores totius districtus Burcza, nobis censum festi sancti Martini proxime praeteriti singulis annis fisco regio in argento fino de ipsorum medio provenire debentes et hominibus nostris ad id deputatis videlicet discreto viro San fratri Cristoferi concivi Cybiniensis eundem censum mediantibus literis magnifici viri Johannis de Hwnyad gubernatoris regni Hungariae legitime exposcentibus videlicet centum et XXXVIII marcas cum pondere regis Belae, decem autem marcas, quas quondam serenissimus princeps et dominus dominus Sigismundus Romanorum imperator ob missarum solemnia in ecclesia beati Martini extra muros civitatis praedictae pro salute et refrigerio animarum regum Hungariae peragenda dari constituit, et duas marcas quas praefatus magnificus vir Johannes de Hwnyad gubernator regni Hungariae mediantibus literis suis cuidam familiari suo pro suis servitiis sibi et regno impensis similiter dari constituit, pro praefata ecclesia et familiari praescripto reservaverunt, solverunt et extradederunt. Igitur ipsos praetextu eiusdem census reddimus quittos, expeditos pariter et absolutos, praesentium literarum nostrarum testimonio mediante. Datum secundo die post festum sancti Thome apostoli, anno domini M^o CCCC^o XLVI^o.

Auf der Rückseite von der Kanzlei: Brassouiensibus.