Urkunde Nr. 2575 aus Band V

Seite im UB:

192-193

Druckvorlage:

nach Abschrift

Abdruck als:

Volltext

Sprache:

Latein

---

2575

Weissenburg 1447 April 28 Der siebenbürgische Bischof Matheus bestätigt, dass der Pfarrer Cristannus von Mettersdorf einen der Pfarrkirche gestifteten Weinberg gegen leichter zu bearbeitende Wiesen ausgetauscht hat.

Matheus dei et apostolieae sedis gratia episcopus Transsiluanus universis et singulis praesens scriptum inspecturis salutem et paternam in domino benedictionem. Ad universorum notitiam praesentibus volumus pervenire, quod cum dudum honorabilis vir magister Johannes Wyrich temporibus quondam reverendi in Christo patris domini Stephani episcopi praefatae ecclesiae Transsiluanae nostri praedecessoris bonae memoriae vicarius in spiritualibus generalis ac plebanus in Magno Demetrio nostrae dyocesis sua et suorum parochianorum praedicti Magni Demetrii in personis pro tunc proposuerat, quomodo in ecclesia sua parochiali sancti Johannis evangelistae in dicta Magno Demetrio quaedam missa in aurora singulis diebus legi consueta fuisset et esset dotata per quoddam molendinum in fine eiusdem villae versus orientem situatum, quod propter negligentiam illorum quorum intererat esset omnino desolatum et anichilatum ita ut de nullis fructibus existeret ac per futura tempora deficientibus fructibus ipsa missa verisimiliter timebatur esse in gravamen ipsius plebani ac successorum suorum. Unde idem magister Johannes Wytich cum senioribus ac incolis communitatis villae praelibatae pro relevamine huiusmodi de dampno futuro evitando, in quandam ordinationem reformationis molendini saepetacti ac instrumentorum eiusdem devenit ne cessantibus fructibus cultus divinus diminueretur quovismodo per temporis successum auctoritate antelati domini Stephani epicopi interveniente prout clarius patebit intuentibus, ex literarum [S. 193] eiusdem episcopi inspectione nihilominus ex pia devotione fidelium vineae aliquae situatae in monte Scherffenberg appellato¹⁾ in territorio praefatae villae testamentaliter legate extiterunt, sed quoniam vinearum cultura clericorum ut communiter ad dierum processum desolari consueverunt eo quod pro pretio laborantes non ita fideliter sicut proprias vineas colunt et clerici in experti de opere, rurali non cognoscentes, anno datarum praesentium egregius et honorabilis vir dominus Cristannus decretorum doctor tunc temporis plebanus in saepefacto Magno Demetrio causa molendini cuius emolumentum penitus nullum erat quam etiam dictarum vinearum futuram desolationem considerans permutationis cum certis inquilinis memoratae suae parochiae talem iniit contractum dans et asignans dictas vineas portionaliter et particulatim pro pratis quibus magis necessarius erat et non tam de facili desolari consueverunt sicut vineae idem egregius vir dominus Cristannus nomine proprio ac dictorum suorum parochianorum petens nos debita cum instantia, quatenus praedictae permutationi seu ordinationi nostrum paternum consensum adhiberemus contractui huiusmodi auctoritatem impertiri dignaremur, considerantes igitur maiorem utilitatem inesse in dictis pratis quam in vineis ipsis ac etiam attendentes, quod si dictum molendinum et praelibatae vineae ecclesiae et dictis praedictorum in fructibus deficeret ex tunc per successum temporis forsitan praedicta missa non posset continuari. Ideo ad praedictam permutationem et dispositionem ut missa ipsa in suo statu perpetue conservetur et conservari valeat, paternum nostrum adhibuimus consensum ipsam permutationem ut praemittitur ratificantes et confirmantes praesentium tenore, ut laici qui huiusmodi permutationis contractum cum praenominato venerabili et egregio viro domino Cristanno tunc in Demetrio plebano et ipsorum heredes ac successores libere uti et frui valeant ipsis vineis quilibet ipsorum in portione sua sibi mensuraliter assignata grata et pacifica gaudeat proprietatis possessione per omina futura tempora ac fructus in suos usus convertere habeat liberam facultatem absque refragatione alicuius plebani in Magno Demetrio seu retractatione dictusque dominus Cristannus et sui legittimi successores in pratis sibi pro vineis et ipsarum partibus commensuraliter assignatis simili utatur libertate et ad dictam missam perficiendam sit astrictus salva sua conscientia devoteque peragat per se aut capellanum eius. In cuius rei test imonium perpetuamque firmitatem praedictis partibus praesentes literas nostras concessimus sub appensione sigilii nostri soliti comunitas. Datum Albe die Jouis festo videlicet beati Vitalis martiris, anno domini millesimo quadringentesimo quadragesimo septimo.


1) Hierauf getilgt situ.^{^}