Urkunde Nr. 2589 aus Band V

Seite im UB:

202-203

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29 791.

Druckvorlage:

nach Original

Abdruck als:

Volltext

Sprache:

Latein

---

2589

Pest 1447 Juni 25 Der Gubernator Johannes von Hunyad ersucht das Weissenburger Kapitel bei der Einführung des Vizegubernators und siebenbürgischen Vizewoiwoden Nikolaus von Salzburg und dessen gleichnamigen Neffen in den Besitz von Bonnesdorf mitzuwirken.

Johannes de Hwnyad regni Hungariae gubernator honorabili capitulo ecclesiae Transsiluanae salutem cum honore. Cum nos pro fidelitatibus et fidelium servitiorum gratuitis meritis strenui et egregii Nicolai de Vyzakna vicegubernatoris et vicevaivodae nostri partium Transsiluanarum per ipsum sacrae regni Hungariae coronae et ex post nobis sub locorum et temporum varietate cum perpetua fidelitatis constantia exhibitis et impensis possessionem Bayon vocatam regalem in comitatu de Kykellew existentem ad castrum Kykellew pertinentem simul cum cunctis suis utilitatibus et pertinentiis quibuslibet annotato egregio Nicolao de Vyzakna et per eum alteri egregio Nicolao de eadem fratri suo patrueli ipsorumque haeredibus et posteritatibus universis vigore aliarum literarum nostrarum donationalium exinde confectarum in perpetuum duximus conferendam velimusque ipsos in dominium¹⁾ eiusdem per nostrum et vestrum homines legitime facere introduci. Super quo honestatem vestram praesentibus petimus diligenter, quatenus vestrum mittatis hominem pro testimonio fidedignum, quo praesente Paulus Buryan aut Michael et Benedictus de Zanchal, sin Stephanus Herbarth, seu Nicolaus Saaros, neve Martinus de Bathyzhaza seu Lucas de Zekelfahva et Anthonius literatus de eadem aliis absentibus homo noster ad faciem praescriptae possessionis Bayon vicinis et commentaneis suis universis inibi legitime convocatis et praesentibus accedendo introducat praefatos utrumque Nicolaum egregios in dominium eiusdem statuatque eandem eisdem praemissae nostrae donationis titulo ipsis incumbenti perpetuo possidendum, si non fuerit contradictum. Contradictores vero si qui fuerint evocet ipsos contra memoratos utrumque Nicolaum vicevaivodarum partium Transsiluanarum in praesentiam ad terminum competentem rationem contradictionis eorum reddituros. Et post haec huiusmodi introductionis et statutionis seriem cum contradictorum et evocatorum si qui [S. 203] fuerint nominibus, vicinorumque et commetaneorum, qui praemissis introductioni et statutioni intererunt terminoque assignato eisdem vicevaivodis suo modo rescribatis. Datum in Pest secundo die festi nativitatis beati Johannis baptistae, anno domini millesimo quadringentesimo quadragesimo septimo.

Auf der Rückseite Adresse: Honorabili capitulo ecclesiae Albensis Transsiluaniae pro strenuo et egregio viro Nicolao de Vyzakna et altero Nicolao fratri suo patrueli.

Introductoria et statutoria.

Auf der Rückseite gleichzeitig: Homo gubernatoris Paulus Buryan, capituli Johannes sacerdos chori ecclesiae nostrae. Statutio facta fuit sabbato proximo post festum beatae Margarethae virginis²⁾ nullo contradictore apparente.


1) Hierauf nochmals in dominium.^{^}
2) Juli 15. Hierauf durchgestrichen nostram. ^{^}