Urkunde Nr. 2594 aus Band V

Seite im UB:

205-206 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Bischofsurkunden [Colecţia de documente episcopale] (Inventar 1), B. U. Nr. 20.

Druckvorlage:

nach Original

Abdruck als:

Volltext

Sprache:

Latein

---

2594

Mediasch 1447 Juli 23 Der öffentliche Notar Laurentius Michaelis von Frauendorf bezeugt, dass Christian, Pfarrer von Mettersdorf, namens aller Pfarrer der [S. 206] Kapitel Mediasch, Mühlbach, Kisd, Kosd, Bistritz und Schelk gegen die Übergriffe des siebenbürgischen Bischof Matthäus Einsprache erhoben hat.

In nomine domini amen. Anno ab incarnatione eiusdem millesimo quadringentesimo quadragesimo septimo, indictione decima, die solis, vicesima tertia mensis Julii, sub officio vesperarum in porta ecclesiae parochialis beatae Margarethae virginis et martyris in opido Megies diocesis Transsiluanensis, pontificatus sanctissimi in Christo patris et domini nostri domini Nicolai, divina providentia papae quinti anno eius primo, ut asseritur in mei notarii publici et testium infrascriptorum praesentia constitutus personaliter egregius vir dominus Cristannus decretorum doctor plebanus de magno Demetrio praedictae diocesis, sua et universorum plebanorum in et sub decanatibus Megies, Sebes, Kyzd, Kozd, Bystricia et Selk residentium in personis requirens me notarium infrascriptum ut in afflictione et insinuatione cuiusdam appelationis ex certis gravaminibus per excessum evectionis et aequitaturae, per reverendum in Christo patrem et dominum dominum Mathaeum episcopum ecclesiae Transsiluanae, sibi et suis confratribus illatis interpositae adessem, in qua quidem insinuatione idem dominus Cristannus praetactus rationem ( )¹⁾ allegare habuit ob quam ipsam appellationem in praesentia praefati domini episcopi insinuare non auderet signanter ex eo, quia proximis his diebus insinuatio eiusdem appellationis per certos plebanos interiectae in portis ecclesiae parochialis in Segeswar per quendam Nicolaum plebanum de Wolkendorff, affixa fuisset et demum officiales praefati domini episcopi supervenissent et ipsam insinuationem de portis ecclesiae rapuissent ipsumque affigentem per minas poenae excommunicationis ibidem demandassent, quem tamen postea ad propria remeare promiserunt, unde timetur, ut et amplius in simili actu evenire posset protestatus est etiam ipse dominus Cristannus, quod si quis esset, qui copiam affixae et insinuatae appellationis antedicto domino episcopo offerre vellet se daturum promisit. Super quibus omnibus et singulis antelatus dominus Cristannus me notarium infrascriptum debita cum instantia requisivit ut super praemissis unum vel plura instrumentum vel instrumentas conficerem et publicarem sibique et suis fratribus pro cautela sui iuris concederem, quod et feci meo officio exigente. Acta sunt haec anno, indictione, die, mense, hora, loco, pontificatu quibus supra, praesentibus ibidem discretis et circumspectis viris Valentino de Megies, Nicolao de Byrthalben, Joanne de Rosnaw, Georgio de Wachia Transsiluanensis, Strigoniensis et Wachiensis diocesis presbyteris; Georgio Rynner, Johanne Slogerwescher, Petro Gunterman et Christano Czymmerman civibus de ante dicta Megies et aliis quam pluribus clericis et laicis intrantibus et exeuntibus testibus ad praemissa vocatis pariter et rogatis.

Notarzeichen. Et ego Laurentius Michaelis de villa Dominarum clericus Transsiluanensis diocesis publicus sacris apostolica et imperiali auctoritatibus notarius, quia praemissae appellationis insinuationi, requisitioni, protestationi aliisque omnibus et singulis, dum sic ut praemittitur fierent et agerentur una cum praenominatis testibus praesens fui, eaque singula sic fieri vidi et audivi ideoque hoc praesens publicum instrumentum manu propria scriptum exinde confeci et in hanc formam publicam redegi signo et nomine meis solitis et consuetis consignavi in fidem et testimonium omnium et singulorum praemissorum. [S. 207]


a) Seitenumbruch im Kopfregest.^{^}

1) Verwischt 1,3 cm.^{^}