Orig. Perg. Kapitelarchiv Karlsburg. Siegel war an weiss-rother Hanfschnur angehängt. [Photographie: Ungarisches Landesarchiv Budapest [Magyar Országos Levéltár] DF (Diplomatikai Fényképgyűjtemény) Nr. 277228.]
Druck: Szeredai, Series (
») 57-58. Szeredai, Notitia (
») 30-31. Fejér, Codex (
») VIII, 1, 102-103. Densuşianu, Documente (
») 562-563.
Rumänische Übersetzung: Documente privind ist. Rom. (
») C, veacul XIV, vol. I, 19-20. +
Regest: Történelmi tár (
») 1889, 578. Beke, Az erdélyi káptalan (
») Nr. 53. +
Temesváry, Erdély püspökei (
») 103. +
Anjou-kori oklevéltár (
») I, Nr. 275. +
Jakó, Codex dipl. Trans. (
») II, 40-41 Nr. 18.
Nos Petrus dei gratia episcopus Transsiluanus praesentium per tenorem significamus quibus expedit universis, quod cum fratres nostri de capitulo decimas de villis eorundem videlicet de Kerechnuk et de Chergoud integre percipere permitteremus nos petivissent, eodem modo, sicut in Enudino et in Woyasd necnon in Barbantina villa ac aliis villis eorundem percipiunt et perceperunt ab antiquo, nos volentes conscientiam nostram purgare in hac parte iuramento ipsorum commisimus, ut si ipsi dictas decimas habere deberent et percipere modo supra dicto, ex tunc easdem decimas super iuramento eorum pacifice et quiete eisdem relinqueremus percipiendas et habendas super hoc termino et die certo assignato, quo quidem termino dominus Johannes dictus Siculus tunc decanus eorundem in animas omnium in stallo suo sicut est moris, tactis sacrosanctis evangeliis, coram capellano nostro Thoma sacerdote per nos ad hoc specialiter deputato praestitit sacramentum. Unde saepe dictas decimas de villis Kerecnuk et Chergoud praelibatis eisdem fratribus nostris pacifice et quiete duximus relinquendas ad percipiendum et habendum pleno iure modo saepe dicto. In cuius rei testimonium literas nostras praesentes concessimus sigilli nostri munimine roboratas. Datum Albae, feria tertia proxima ante festum nativitatis beatae Mariae virginis, anno domini millesimo trecentesimo secundo.
Super decima Kerechnek et Cherged.