Urkunde Nr. 2614 aus Band V

Seite im UB:

224-225

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 16.

Druckvorlage:

nach Original

Abdruck als:

Volltext

Sprache:

Latein

---

2614

Kronstadt 1447 Dezember 5 Der erzbischöfliche Visitator Thomas Armenus bestätigt, dass der öffentliche Notar Nikolaus Thoscha und alle übrigen Bewohner eines der Martinskapelle in Kronstadt gestifteten Hofes sich der geistlichen Vorrechte erfreuen, und lässt dies auch vom öffentlichen Notar Benedikt von Hathalom bezeugen.

Nos Thomas Armenus, licentiatus in decretis praepositus collegiatae ecclesiae sancti Georgii de viridi campo Strigoniensis per reverendissimum in Christo patrem et dominum Dyonisium miseratione divina tituli sancti Ciriaci in termis sanctae Romanae ecclesiae cardinalem archiepiscopum Strigoniensem et cetera in Cibiniensi et Brassouiensi decanatibus iurisdictionis Strigoniensi visitator specialiter deputatus memoriae commendamus tenore praesentium significantes, quod cum nos generali in audientia sedis Brassouiensis pro moderativo faciendo iudicio sedissemus nostri in praesentia facietenus veniens providus vir Nicolaus Toscha, nobilis, coniugatus, notarius publicus sacri imperiali auctoritate Strigoniensis diocesis, inhabitator dotis capellae sancti Martini extra muros civitatis praedictae gravi cum quaerimonio asseruit proponendo¹⁾, quomodo nonnulli iudices saeculares potentia sua frivola mediante facultates suas utrisque legibus consonas opprimere niterentur in tantum quod de vita sua et bonis in medio ipsorum non esse securus etiam officium suum tabellionatus secundum quod ordo iuris expostularet minime exercere valeret. Insuper retulit dicens non obstante quod bigamus esse videtur. Tamen aliis ex rationibus privilegio clericali tuitioni, protectioni, defensioni uti et gaudere valeret signanter ex illo, quod domus suae solitae residentiae in fundo curiae regalis civitatis praedictae, quod sit ex opposito claustri sanctorum apostolorum Petri et Pauli existeret, qui fundus pro salute et refrigerio animarum divorum regum Hungariae ab inclito principe Sigismundo, imperatore Romanorum et rege Hungariae datus esset pro capella montis sancti Martini. Secundo retulit, quod esset persona exempta, quia nobilis ut in plurimum videretur, quod nobiles ex decreto suorum principum iure incumbenti non subiacerent generaliter in iudiciis laicorum ruralium signanter in causis arduis. Ideoque supradictus Nicolaus notarius publicus implorando iurisdictionem requisivit non obnixe cum precibus, ut iuris sui uberiorem ad cautelam literis nostris mediantibus remedium salubre procuraremus. Nos autem attendentes et considerantes ipsum Nicolaum notarium non modicum fore oppressum cum dignum videtur ut tales iudices ordinarii tabelliones sub privilegio clericali protegendo auxilientur si saltim aliquo sinistro iudicio saeculari aut²⁾ alias²⁾ molestando opprimere videntur. Quam ob rem vigore latae sententiae confirmando ratificemus, dicentes quod Nicolaus notarius nunc saepedictus privilegio clericali firmissime utatur et gaudere valeat nunc et pro semper non tamen ipse sed omnes ceteri habitantes inquilini fundo in annotato regali, qui pertinet modo pro capella montis sancti Martini supradicti. In cuius rei evidentiam praesentes literas nostras privilegiales pendentis et autentici sigilii nostri munimine eisdem in huiusmodi rei testimonium duximus concedendas, una cum subscriptione notarii nostri infrascripti. Praesentibus ibidem honorabilibus et discretis viris domino Antonio decano Brassouiensis, domine Johanne Rudel, artium liberalium magistro et plebano Brassouiensi, domino Blasio, similiter artium liberalium magistro, et ceteris quam pluribus ad praemissa vocatis pariter et rogatis. Datum in praedicta civitate Brassouien- [S. 225] si, anno domini millesimo quadringentesimo quadragesimo septimo, quinto die mensis Decembris.

Notarzeichen. Et ego Benedictus natus Thomae de Hathalom, clericus diocesis Jauriensis, publicus sacra apostolica auctoritate notarius, quia praemissis praesentationi, receptioni, petitioni, deliberationi aliisque omnibus et singulis praesens interfui eaque ut praemittitur sic fieri vidi et audivi. Ideo praesentes literas eiusdem domini visitatoris et iudicis in se continentes et de mandato ipsius domini visitatoris et appensione sigilii eiusdem domini iudicis communitas³⁾, manu alterius fideliter scriptas⁴⁾ me aliis occupatum signoque et nominis meis solitis et consuetis consignavi et roboravi in fidem et testimonium et singulorum praemissorum rogatus et requisitus.


1) Vorlage praeponen.^{^}
2) Über der Zeile. [2x]^{^}
3) Die Lesung ist unsicher.^{^}
4) Gebessert aus scriptus.^{^}