Urkunde Nr. 2617 aus Band V

Seite im UB:

227

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 109.

Druckvorlage:

nach Original

Abdruck als:

Volltext

Sprache:

Latein

---

2617

Kronstadt 1447 Dezember 16 Der Gubernator Johannes von Hunyad verbietet allen Gerichtsinhabern, die Kronstädter Kaufleute auf ihren Handelsfahrten zu belästigen und verweist alle Kläger an das Stadtgericht.

Johannes de Hwnyad regni Hungariae gubernator et cetera universis et singulis dominis praelatis, baronibus, comitibus, catellanis, nobilibus ipsorumque officialibus item civitatibus, opidis et liberis villis ipsarumque rectoribus, iudicibus et villicis in hoc regno Hungariae et partium sibi subiectarum ubilibet constitutis et existentibus praesentes visuris salutem et honorem. Cum iusti pro iniustis et innoxii pro reorum excessibus impediri non debeant aut quoquomodo aggravari, igitur dominationes, nobilitates et circumspectiones vestras requirimus vobisque auctoritate nostra seriose committimus, quatenus¹⁾ dum et quando et circumspecti viri cives et hospites ac incolae nec non inhabitatores civitatis Brassouiensis aut eorum alter pro victuum suorum necessaria acquisitione diversa climata dicti regni cum eorum rebus et mercibus perlustrando ad vestras terras, possessiones, honores seu vestri in medium pervenerint eosdem ad nullius vis instantiam in personis rebusque et mercibus ipsorum arrestari seu prohiberi facere velitis et nec debeatis signanter pro debitis delictis et excessibus aliorum sed ipsos aut eorum alterum simul vel divisim necnon homines ipsorum praesentium scilicet ostensores cum eorundem rebus mercimonialibus cuiuscumque generis et speciei existant ubique locorum libere et pacifice ire, transire, recedere et negotiari permittatis et permitti faciatis impedimento, molestia et damno sine omni. Si qui enim quidquam actionis vel questionis rationibus quibuscumque contra praefatos cives aut eorum alterum habent vel se habere sperant, hii id in praesentia iudicis et iuratorum eiusdem civitatis Brassouiensis legitime prosequantur ex parte quorum iidem iudex et iurati unicuique contra eos querulanti iudicium et iustitiam facient et exhibebunt prout dictabit ordo iuris. Aliud non facturi in praemissis. Praesentibus perlectis exhibenti restitutis. Datum in dicta civitate Brassouiensi quarto die festi beatae Luciae virginis, anno domini MCCCCXL^mo septimo.

Von der Kanzlei: Commissio propria domini gubernatoris.


1) Hierauf et durchgestrichen.^{^}