Urkunde Nr. 2620 aus Band V

Seite im UB:

229

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 107.

Druckvorlage:

nach Original

Abdruck als:

Volltext

Sprache:

Latein

---

2620

Kronstadt 1447 Dezember 24 Der Gubernator Johannes von Hunyad bestätigt die Urkunde des Weissenburger Kapitels vom 1447 Nr. »2616 über die Schenkung von Besitzanteilen in Zărneşti und Tohan, die Gräf Peter der Heilig-Leichnamsbruderschaft an der Kronstädter Marienkirche vermacht hat. und erklärt seine Zustimmung zu den einzelnen Vertragsbestimmungen.

Nos Johannes de Hwnyad regni Hungariae gubernator et cetera memoriae commendamus tenore praesentium significantes quibus expedit universis, quod nobilis et prudens vir Petrus comes, filius quondam Anthonii, alias iudex civitatis Brassouiensis, nostram personaliter veniens in praesentiam exhibuit et praesentavit nobis quasdam literas privilegiales honorabilis capituli ecclesiae Albensis Transsiluanensis quibus mediantibus idem Petrus comes portiones suas possessionarias in possessionibus Zernee et Thwha vocatis in comitatu Albensi Transsiluanensi existentibus habitas ipsum iure hereditario contingentes ob spem suae salutis et perpetuum refrigerium kalendis seu confraternitatibus pretiosissimi corporis Christi in¹⁾ ecclesia beatae Mariae virginis in dicta civitate Brassouiensi constructa dispositis sub conditionibus literis in eisdem declaratis in perpetuum dedisse, donasse et contulisse dinoscebatur tenoris infrascripti. Supplicans nobis praefatus Petrus comes prece subiectiva, ut huiusmodi literas dicti capituli ratas, gratas et acceptas habentes eisdem perennalibus dispositionibus et fassionibus suis ac omnibus et singulis clausulis earundem in tenoribus dictarum literarum expressatis nostrum gubernatorium consensum praebere dignaremur pariter et assensum. Quarum tenor is est: (Folgt die Urkunde des Weissenburger Kapitels von 1447 Nr. »2616). Nos igitur supplicationibus antefati Petri comitis per eum nobis ut praemittitur porrectis favorabiliter inclinati praetactas literas antedicti capituli Albensis non rasas non cancellatas nec in aliqua sui parte suspectas imo merae et sincerae veritatis integritate praepollentes praesentibusque de verbo adverbum sine diminutione insertas quoad omnes articulos, clausulas et conditiones earundem quemadmodum rite et legitime emanatae sunt et prout viribus suffragantur auctoritate nostra praemissa ratas, gratas et acceptas habentes eisdem regni consensum praebuimus imo praebemus benivolum pariter et assensum salvo iure alieno harum nostrarum vigore et testimonio literarum mediantibus. Datum in dicta civitate Brassouiensi in vigilia nativilatis Christi, anno eiusdem millesimo quadringentesimo quadragesimo septimo suprascripto.

Von der Kanzlei: Commissio propria domini gubernatoris.


1) Hierauf noch einmal in. ^{^}