Urkunde Nr. 2623 aus Band V

Seite im UB:

231-232

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 27.

Druckvorlage:

nach Original

Abdruck als:

Volltext

Sprache:

Latein

---

2623

Hermannstadt 1448 Januar 8 Thomas Armenus, Visitator des Erzbischofs von Gran, auferlegt dem Hermannstädter Kapitel und seinem Dechanten Michael wegen der Hinterlassenschaft des Hammersdorfer Plebans Johannes Megerlini ewiges Stillschweigen, was die Notare Benedikt von Hathalom und Laurentius Michaelis von Frauendorf bezeugen.

In nomine domini amen. Thomas Armenus licentiatus in decretis praepositus collegiatae ecclesiae sancti Georgii martiris de viridi campo Strigoniensis ac canonicus almae ecclesiae Strigoniensis per reverendissimum Christo patrem et dominum, dominum Dyonisium miseratione divina tituli sancti Ciriaci in termis sanctae Romanae ecclesiae presbiterum cardinalem archiepiscopum Strigoniensem locique eiusdem comitem primatem et apostolicae sedis legatum natum in Cybiniensi et Brassouiensi decanatibus visitator nec non iudex et causarum auditor generaliter et specialiter deputatus tenore praesentium significamus quibus expedit universis, quod in causa et causis quam et quas venerabilis et egregius vir dominus Anthonius decretorum doctor plebanus Cybibiensis, canonicus ecclesiae Transiluanensis, ut actor ab una, contra et adversus honorabiles dominum Michaelem decanum et capitulum decanatus Cybiniensis de et super nonnullis rebus et bonis mobilibus et immobilibus quondam domini Johannis Megerlini medicinae doctoris tunc plebanum de villa Hunperti uti praetendebatur²⁾ et per eundem dominum Anthonium doctorem allegabatur, in ultimo ipsius domini Johannis testamento ad certos usus in actis causae expressatis legatis et relictis et illorum occasione, ut reos et in causam attractos partibus ex altera, coram nobis movit³⁾ vertente et vertentibus servatis de iure servandis rite et legittime procedendis per ea, quae vidimus, exanimavimus et cognovimus, videmus et cognoscimus et ex actis causae nobis constat, communicato super hoc iurisperitorum nostrorum assessorum et aliorum honorabilium virorum et deliberato habito consilio ad nostram ferendum diffinitivam sententiam in forma quae sequitur duximus procedendum, Christi nomine invocato solum deum et eius iustitiam prae oculis habentes per hanc nostram diffinitivam sententiam, quam pro tribunali sedendo⁴⁾ ferimus in his scriptis dicimus, declaramus, decernimus et pronuntiamus dictum quondam Johannem Megerlini medicinae doctorem intestatum et sine testamento decessisse, ac eidem domino Anthonio doctori et quibuscumque aliis res et bona praetacti domini Johannis Megerlini medicinae doctoris mobilia et inmobilia ratione et vigore huiusmodi praetensi testamenti ius sibi competere praedentibus perpetuum silentium imponen- [S. 232] dum fore et imponimus per praesentes. Acta sunt haec et facta anno domini millesimo quadringentesimo quadragesimo octavo, indictione undecima, die Lunae, octava vero mensis Januarii, hora meridiei vel quasi, in domo habitationis circumspecti viri Johannis Craws in civitate Cybiniensi, pontificatus santissimi in Christo patris et domini nostri, domini Nicolai divina providentia papae quinti anno eius primo, praesentibus ibidem honorabilibus viris dominis Clemente provisore Christi pauperum in hospitali Cybiniensi commorantium, Bartholomeo canonico ecclesiae sancti Georgii martiris de viridi campo Strigoniensi, testibus ad praemissa vocatis et requisitis.

Notarzeichen.
Et ego Benedictus natus Thomae de Hathalom clericus diocesis Jauriensis publicus sacra apostolica auctoritate notarius publicus quia praemissis decreto citationis litis contestationi partium probationibus, processibus et sententia prolationi aliisque omnibus et singulis, dum sic ut praemittitur fierent et agerentur unacum praenominatis testibus praesens fui, ideoque praesentes literas seu publicum instrumentum sententiam dicti domini Thomae visitatoris et iudicis in se continentem cum appensione sigilli eiusdem domini iudicis communitas, exinde confeci, manuque propria scriptas et in praesentem⁵⁾ publicam formam redegi signo et nomine meis solitis et consuetis rogatus et requisitus in fidem et testimonium omnium et singulorum praemissorum.

Notarzeichen.
Et ego Laurencius Michaelis de Villa Dominarum clericus Transsiluanensis diocesis, publicus sacris apostolica et imperiali auctoritatibus notarius, quia praemissis citationis decreto, litis contestationi, partium probationibus processibus et sententiae prolationi aliisque omnibus et singulis, dum sic ut praemittitur fierent et agerentur una cum praenominatis testibus praesens fui, ideoque praesentes literas seu publicum instrumentum, sententiam dicti domini Thomae visitatoris et iudicis in se continentem cum appensione sigilli eiusdem domini iudicis communitas exinde confeci, manu autem praedicti notarii scriptas hic autem manu propria me subscripsi et in praesentem formam publicam redegi signo et nomine meis solitis et consuetis rogatus requisitus in fidem et veritatis testimonium omnium et singulorum praemissorum.


1) Unleserlich.^{^}
2) Vorlage praetenbatur.^{^}
3) Über der Zeile nachgetragen.^{^}
4) Vorlage sedenden.^{^}
5) Vorlage putem.^{^}