Urkunde Nr. 2649 aus Band V

Seite im UB:

254-255 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inventar 32), Serie Z. U. I, Nr. 6.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2649

Hermannstadt 1448 Mai 22 Die Sieben Stühle entscheiden einen Rangstreit zwischen den Hermannstädter Schneidern und Kürschnern im Umgang am Fronleichnamstag zugunsten der Schneiderzunft. [S. 255]

Nos iudices iuratique seniores septem sedium Saxonicalium partium Transsiluanarum memoriae commendamus per praesentes, quod cum nos die datarum praesentium hic simul pro tribunali consedissemus, venerunt nostri in praesentiam circumspecti viri universi magistri sartores civitatis Cybiniensis ab una, parte vero ex altera universi magistri pellifices de eadem et per annotatos magistros sartores coram nobis expositum extitit eomodo, quod a tempore cuius contrarium in hominum non existeret memoria semper ipsi sartores in festo sacratissimi corporis Christi ob eiusdem honoris reverentiam dum in processione per circulum dictae civitatis Cybiniensis solito more progredientes, locum ambulandi post ipsos pellifices immediate habuissent. Nunc autem praetacti pellifices annotatos sartores de solito ipsorum ambulandi loco exprimere et eundem sibi ipsis minus iuste usurpare niterentur, quae omnia et praemissorum singula sic se habuisse quemadmodum supradictum est didicimus satis clare. Ex adverso autem praetacti magistri pellifices suo responso taliter obviarunt, quod cum in aliis civitatibus ubique moris sit et consuetudinis pellifices post sartores tempore praedictae festivitatis in huiusmodi processione ambulare, etiam ipsis hoc idem adiudicare dignaremur. Supplicantes exinde nobis ambae partes praemissae, quatenus ipsis super dicta causa sententiam nostram diffinitive proferre dignaremur. Unde nos attenta et debite pensata praemissae causae habitudine sententialiter declaramus, quod ex quo ipsi sartores praedicti a multis retrolapsis temporibus in dicta processione locum ambulandi post pellifices habuerunt etiam eundem ambulandi locum post pellifices a modo deinceps et ipsorum posteri habere debent temporibus perpetuis affuturis, harum nostrarum literarum sententionalium vigore et testimonio mediante. Datum in Cybiniensi civitate tempore nostrae iudiciariae congregationis feria quarta proxima ante festum sacratissimi corporis Christi, anno eiusdem M^o CCCC^o ML^mo octavo.


a) Seitenumbruch nach Kopfregest.^{^}