Urkunde Nr. 2657 aus Band V

Seite im UB:

261-262

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 55.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2657

Hermannstadt 1448 August 19 Der Gubernator Johannes von Hunyad verbietet über Ersuchen des Hermannstädter Kapitels die Durchführung päpstlicher Bullen, die gegen die Gewohnheiten des Reiches verstossen.

Johannes de Hwnyad¹⁾ regni Hungariae gubernator etcetera honorabilibus dominis decano et plebanis de capitulo Cybiniensi partium Transsilvanarum salutem cum honore. Crebra et infesta plurium regnicolarum querela contra quosdam bullarum papalium dilatores²⁾ atque exemptores earundem , qui in contrarium libertatum regni et iuris patronatus regalis notabile detrimentum plurimos beneficiatos ecclesiarum sed et alterius notabile detrimentum plurimos beneficiatos ecclesiarum sed et alterius status homines ecclesiasticos et saeculares dictarum partium Transsilvanarum nunc in causis beneficialibus, nunc vero per alios processus penales diversimode vexare effrenata machinatione praesumunt nobis multiplicatis vicibus oblata . Adeo aures nostras cuius talibus praesumptuosis actibus resistentiae obicem oponere interest propulsavit, ut si gubernationis nostrae debitum commode et pro regni utilitate exercere voluerimus necessarium summopere³⁾ arbitramur talia tamquam nociva per obstaculum praementis remedium fore reformanda, quae nostro nos propensius stringente debito, ut eo citius et efficacius singulis hoc ipsum attemptare volentibus praesumptionis et audaciae aditus praecludatur inter alia loca regni praetacti vestri in medio sed et in partibus Transsilvanis praenotatis . Ubi etiam talismodi bulligerorum atque executorum pululatio vigere dicitur non modica, [S. 262] inhiberi volentes vestrae honorabilitati firmissime mandantes committimus, quatenus mox agnitis praesentibus omni cessante occasione favore etiam quolibet in hac parte postergato illic in vestri medio in praedictis partibus Transsilvanis in vestra scilicet iurisdictione de omnibus et singulis bullas papales seu concilii vel delegatorum ab eis in contrarium libertatis regni ac detrimentum seu praeiudicium facultatis iuris patronatus regalis sine licentia scilicet nostra deferentibus et habentibus aut easdem per qualescumque processus directe vel indirecte exequi seu executioni demandare praesumentibus et dictos regnicolas seu aliquem ex eis vigore earundem vexare et impetere praetendentibus diligentem inquisitionem faciendo omnes et quoslibet tales, qui in hac parte secundum formam praemissam rei comperti fuerint cuiuscumque dignitatis vel status existant invocato si necesse fuerit auxilio et subsidio magnificorum vaivodarum partium Transsilvanarum vel ipsorum vicevaivodarum pro tempore constitutorum aut magistrorum civium, iudicum, gerebonum et iuratorum seniorum sedium et districtuum Saxonicalium partium Transsilvanarum praescriptarum vel aliorum status hominum quorum interest vel intererit quibus dum serie praesentium requisiti fuerint eadem praeberi mandamus in personis captivare et detinere captosque in vestris tutis vinculis tamdiu conservare debeatis donec super inde aliud a nobis habueritis in commissis, ut iidem ex hoc poena docente aperte cognoscant, quantum nobis displicentiae afferat violatio libertatis regni praenotati. Et secus nullatenus ausuri facere in praemissis. Praesentibus perlectis exhibenti restitutis. Datum in civitate Cibiniensi feria secunda proxima post festum assumptionis beatae Mariae virginis gloriosae, anno domini millesimo quadringentesimo quadragesimo octavo.


1) In verlängerter Schrift.^{^}
2) Vorlage delatores,^{^}
3) Vorlage supmopere.^{^}