Urkunde Nr. 2660 aus Band V

Seite im UB:

263-264

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2660

Kleinlasseln 1448 Oktober 22 Die siebenbürgischen Vizewoiwoden Markus und Georg fordern den Konvent von Kolozsmonostor auf, bei der Einführung des Weissenburger Kapitels in den Besitz von Spring, das Johannes Gereb von Weingartsirchen dem Kapitel streitig macht, mitzuwirken.

Amicis suis reverendis conventui ecclesiae beatae Mariae virginis de Clwsmonostra Marcus de Herepe et Georgius de Bala vicevaivodae Transsilvanienses amicitiam paratam¹⁾ cum honore. Dicitur nobis in personis honorabilium dominorum de capitulo ecclesiae Albensis Transsilvanae, quod iuxta dispositionem et ordinationem egregii viri Michaelis filii Salomonis de Nadasd, his proximis diebus defuncti, ex voluntate et annuentia ipsius Michaelis vita sibi comite iuxta regni consuetudinem ex indulto et consensu regiae celsitudinis, tandemque domini nostri Johannis de Hunyad regni Hungariae gubernatoris necnon omnium baronum ipsi egregio Michaeli filio Salomonis similiter per eosdem ipsi capitulo gratiose concesso, statutione facta, statim post decessum praefati egregii Michaelis praelibati domini de capitulo honorabiles dominos Andream praepositum, Stephanum archidiaconum de Thylegd ac magistrum Dominicum socios et concanonicos ipsorum ad occupationem et ad manus ipsorum receptionem prout legitime ipsos concernerent. Ad possessiones, prout fertur, ipsis anno elapso statutas videlicet Sprengh, Drasso, Nagfalw, Kokowan, Kissebes, Varallyamezw cum suis pertinentiis e medio ipsorum transmisissent, ibique per unum integrum diem et medium permanendo, omnibus iobbagionibus inibi existen- [S. 264] tibus ipsis obedientibus. Tandem egregius Johannes Greb de Wyngarth cum suis complicibus, armatis manibus superveniens, absque omni iuris processu antelatos dominos Andream praepositum, Stephanum archidiaconum et magistrum Dominicum cum minis magnis et verbis contumeliosis nomine tali, ut ipsos possessiones sibi ipsi occuparet, occupatasque haereditarie tenere praetenderet, de dicta possessione Sprengh ipsos exire coegisset, nec ad alias possessiones praedictas eosdem iuxta praemissa, literasque dicti domini gubernatoris per eosdem dominos sibi ostensas, pro nihilo reputasset de omnibus gestis et actibus perpetratis suis, ratione huiusmodi occupationis ipsarum possessionum domino gubernatori aliisque quibus decens, vel congruum fuerat se responsurum spopondisset in praeiudicium et damnum ipsorum dominorum valde magnum. Unde iidem domini de capitulo de omnibus praemissis protestationem facere vellent et eundem Johannem de Vingarth de eisdem possessionibus, ex nunc et a < >²⁾ occupatione se retrahere postularent, per nostrum et vestrum homines se in dominium earundem possessionum legitime vellent facere introduci. Super quo vestram amicitiam praesentibus petimus diligenter, quatenus vestrum mittatis hominem pro testimonio fidedignum, quo praesente Jacobus de Csetve, Miske de Mocs, sin Benedictus de Beld, neve Ladislaus de Gald, seu Emericus de Galteo aliis absentibus homo noster ad faciem praedictae possessionis Sprengh vicinis et commetaneis eiusdem inibi legitime convocatis et praesentibus accedendo de omnibus praemissis veram inquirat certitudinis veritatem, quam tandem nobis amicabiliter rescribatis, ipsosque dominos iuxta decretum regni nobilium istarum partium Transsilvanarum Thordae in octavis festi beati Michaelis archangeli proxime praeteriti³⁾ una nobiscum celebrari factum, in pacifico dominio earundem possessionum relinquat. Et si qui quitquam actionis et acquisitionis cum ipsis dominis a parte ipsarum possessionum haberent vel habere sperarent, extra dominium earundem eosdem dominos acquirant, tales vero acquisitores, si qui fuerunt, ad octavas Epiphaniarum domini nunc venturas⁴⁾ nostram evocet in praesentiam. Datum in Zenthlazlo feria tertia proxima post festum undecim millia virginum, anno domini millesimo quadringentesimo quadragesimo octavo.


1) Vorlage paratum.^{^}
2) Lücke 1,3 cm.^{^}
3) Oktober 6.^{^}
4) Januar 13.^{^}