Urkunde Nr. 304 aus Band I

Seite im UB:

232-233 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1995.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

304

1336 Mai 17 ^b) Das Grosswardeiner Kapitel beschreibt die Grenzen von Grossschergied und setzt zur Verhandlung über ein strittiges Stück Land einen Termin fest.

Excellentissimo domino suo domino Carolo regi illustri Hungariae dei gratia capitulum ecclesiae Varadiensis orationes in domino debitas et devotas cum perpetua fidelitate. Recepimus literas vestrae excellentiae generales citatorias cum reverentia qua decuit, pro quarum tenore nobis dabatur in praeceptis, quod quandocumque et quotiescumque ab emanatione earundem usque ad revolutionem anni per capitulum ecclesiae Transilvanae vel suos procuratores essemus requisiti ad fassiones, inquisitiones, prohibitiones, metarum erectiones, recaptivationes possessionum et ad alios processus legitimos, qui secundum regni consuetudinem fieri consueverunt, nostrum hominem cum Herbardo de Gald vel Michaele filio Jacobi de Chee aut Johanne filio Ugriny de Koppan aliis absentibus homine vestro pro testimonio transmitteremus. Nos igitur mandatis vestris obtemperantes ut tenemur una cum Johanne filio Ugryny homine vestro nostrum hominem videlicet discretum virum magistrum Ladislaum socium et concanonicum nostrum ad quaedam de praemissis vice nostri destinavimus fideliter exsequenda.¹⁾ Qui dum ad nos redeuntes concorditer retulerunt, quod dum feria sexta proxima post festum beati Georgii martyris noviter praeteritum²⁾ accessissent super faciem possessionis capituli supra dicti Chergeod vocatae convocatis universis vicinis et commetaneis secundum regni consuetudinem reambulando eandem per veteres metas his terminis distinxissent, quod videlicet prima meta incipit iuxta puteum in valle ubi est una meta renovata. Deinde ascendit super montem, per eundem montem vadit versus meridiem, ubi est erecta una nova meta, per eundem montem vadit ad quendam colliculum, ubi est una nova meta erecta, ibidem prope in alio monticulo posita est similiter una meta; item ascendendo per eundem bercz venitur ad montem maiorem, ubi est una meta antiqua renovata, adhuc per eundem bercz eundo in alio loco sunt tres metae antiquae. Deinde transilit quandam vallem, quae ascenditur per viam et itur de Chergeod in Farkastelke ascendendo per bercz et venitur in monticulum, ubi sunt duae metae antiquae, quarum una est renovata. Deinde descendendo versus aquilonem sub radice montis posita est una meta nova, abhinc descendendo in planitie et transeundo per vallem est una meta antiqua, et alia circa eam de novo erecta quae ostendit ad puteum et incipit conterminari metis alterius Chergeod Bulgaricum, quae est nobilium de Gyogh, versus occidentem et ibi circa rivulum est erecta una meta nova. Abhinc ascendendo puteum ipsum venitur ad montem in cuius [S. 233] supremitate est renovata una meta antiqua, abhinc per bercz eiusdem montis versus occidentem eundo est renovata alia meta antiqua. Deinde venitur ad quendam monticulum, in cuius latere sunt a parte meridionali duae metae antiquae, et exinde parvum girando itur ad quendam montem altum silvosum, in cuius suppede ubi quaedam via ipsum bercz dividit sunt duae metae antiquae, quarum una est renovata. Abhinc ascendendo in latere ipsius montis silvosi est una meta antiqua, in cacumine eiusdem similiter una meta antiqua renovata, ubi¹⁾ terminantur metae a parte supra dictae Chergeod Bulgarij et deinde incipit vicinari terminis terrae Veresegyhaz, quae est filiorum Danielis et Salamonis, ubi incipit pergere descendendo per bercz, ubi in quodam monticulo est posita una meta, et per idem bercz. versus occidentem eundo est renovata et erecta una meta nova et ibi flectitur versus aquilonem, ubi in quodam monticulo est posita meta nova. Et exinde in alio monticulo concavo²⁾ est posita una meta nova, adhuc per eundem bercz similiter in fracto monticulo est posita una meta nova, et deinde tendendo per eundem bercz in planitie est una meta nova iuxta viam. Deinde iterato in monte sunt duae metae antiquae, quarum una est renovata, quae distinguuntur a parte terrarum Herbardi et Nicolai filiorum Blasii. Abhinc descendendo per unum bercz itur per longum spatium et finitur ipsum bercz et pervenitur ad nuventem, qui fluvit per villam Chergeod capituli ecclesiae Transilvanae praedictam per magnam vallem et pervenitur ad puteum Pinicus nominatum. Quibus ita peractis super quadam particula terrae eiusdem Chorgeod a parte filiorum Blasii Nicolauus de Monerad, Albertus et Petrus villici necnon duodecim iurati ac tota communitas villae Monorad nomine abbatis de Egres domini eorum contradixissent, et quod eodem die et loco dominum abbatem supra dictosque Nicolaum, Albertum et Petrum nominatos necnon duodecim iuratos ac totam villam Monorad citassent contra dictum capitulum Albensem ecclesiae Transilvanae in praesentiam magnifici viri Thomae vaivodae Transilvani ad octavas festi Pentecostis nunc venturas³⁾ eosdem Nicolaum, Albertum et Petrum ac duodecim iuratos domino abbati statuentes comittentes. Datum sexta feria proxima ante festum Pentecoste supra dictum, anno domini millesimo trecentesimo sexto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 232, 1-3 auf S. 233.^{^}
b) Nach Dinca -- Kovács, Ergänzungen 137 umdatiert statt: 1306 Mai 20.^{^}
[S. 232]
1) Blatt 6'. ^{^}
2) April 29. ^{^}
[S. 233]
1) Blatt 7. ^{^}
2) Vorlage: concaco.^{^}
3) Mai 29. ^{^}