Urkunde Nr. 2689 aus Band V

Seite im UB:

285-286

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

2689

Hermannstadt 1449 Dezember 6 Die Sieben Stühle bestätigen die Urkunde des Weissenburger Kapitels von 1449 Nr. »2688 mit der Entscheidung eines Hattertstreites zwischen Johannes Gereb von Weingartskirchen und Verwandten und den Bewohnern von Grossau um die Grenzen von Orlat und Grossau.

Nos Jacobus magister civium, comes Laurencius de Ruffomonte in Rwssmarkt, Georgius de Segesvar, Johannes Zaas de Muellenbach, Johannes de Mergendal in Schenk iudices regii, item Sigismundus Mauricii viceiudex regius sedis Cybiniensis, Renerus eiusdem Cybiniensis, Martinus de Ruppas in Kosd ac Vrbanus de praefata de Rusmarkt, Laurencius Ber de Olczna in Lwschkirch iudices terrestres necnon Johannes Crausbogner villicus, Laurentius Turold, Johannes Bridin, Petrus Mulner et Michael Kolbe iurati cives civitatis Cybiniensis, Stephanus Lwsch magister civium, Johannes Nonnencleppel, Johannes Scherer iurati cives Segeswarienses, item comes Jacobus de Ruffomonte, Johannes Schuster de praedicta Olczna villicus, Johannes Pfeffersag viceiudex regius et Jacobus Aurifaber de praescripta Mullenbach iurati cives, Johannes Heltener de praefata Rusmarkt, Andreas Folmar iuratus civis de Ruppas et seniores septem sedium Saxonicalium partium Transsiluanarum memoriae commendamus tenore praesentium significantes quibus incumbit universis, quod cum iurgia¹⁾ et discordiae sopiuntur pax et concordia nutriuntur, tunc respublica bene regitur et laudanda suscipit prosperitatis incrementa, populusque sub suo prudentum et circumespectorum iudicum et rectorum glorioso regimini in pacis amoenitate se augmentando gaudeat feliciter adaugeri. Hinc est quod dudum inter nobiles Johannem Greb de Wyngarth ac suos fratres ac inter villicum et totam communitatem villae regalis Insula Christiana vocatae ratione quarundam metarum et silvarum ac terrarum inter ipsam villam Insulam Christianam et possessionem dictorum Johannes Greb et fratrum suorum Waralia vocatam existentium lis, rixae et contentiones ortae fuerunt et suscitatae, ex quibus multa incommoda et pericula potuissent evenire, pro quibus sedandis et sopiendis certos ex nobis probos et idoneos viros transmisimus, praenotatus autem Johannes Greb et sui fratres similiter quosdam probos et nobiles viros cum homine vaivodali ac testimonio capituli ecclesiae Transsiluanensis adduxit, qui prout ex relationibus eorundem proborum et idoneorum virorum per nos ut praemittitur transmissorum sumus informati in vigilla et in festo omnium sanctorum proxime praeteritis²⁾ modo et ordine in tenore infrascriptarum literarum, capituli ecclesiae Transsiluanensis contento, inter partes praefatas sopitis universis litibus et controversiis disposuissent, terramque contentiosam inter praedictas villam et possesionem reambulassent et metas erexissent in locis necessariis et oportunis. Quas quidem literas dicti capituli ecclesiae Transsiluanensis Nicolaus filius quondam Michaelis Wessewder villicus de praenotata Insula Christiana nobis exhibuit et praesentavit, petens nos suo ac iuratorum seniorum totiusque communitatis eiusdem villae nominibus et in personis humili prece et devota, ut ipsas literas ratas, gratas et acceptas habentes nostrisque literis [S. 286] privilegialibus inseri et conscribi facientes pro ipsis et eorum heredibus et posteritatibus universis confirmare dignaremur, quarumquidem literarum annotati capituli ecclesiae Transsiluanensis tenor sequitur in haec verba. (Folgt die Urkunde des Weissenburger Kapitels 1449 Nr. »2688). Nos itaque iustis petitionibus annotati Nicolai villici suo ac praefatorum iuratorum seniorum et totius communitatis nobis modo praealegato porrectis, bona voluntate exauditis et admissis praescriptas literas praetacti capituli ecclesiae Transsiluanensis non abrasas, non cancellatas, nec aliqua sui parte suspectas sed omni prorsus vitio et scrupulo suspitionis carentes praesentibusque de verbo ad verbum sine diminutione et augmento aliquali insertas quo ad omnes earum continentias, clausulas et articulos approbantes et ratificantes ipsis et singulis factis in eisdem contentus nostrum consensum praebuimus imo praebemus benivolum pariter et assensum. Nihilominusque easdem literas pro saepenominatis villico et iuratis senioribus de tota communitate et eorum heredibus, successoribus et posteritatibus universis innovando perhenniter et in aevum valituras confirmamus harum nostrarum quibus autenticum maius nostrum provinciale sigillum appensum est vigore et testimonio literarum mediante. Datum Cybinii in praesenti nostra generali congregatione in festo beati Nicolai episcopi et confessoris, anno domini millesimo quadringentesimo quadragesimo nono.


1) Vorlage iurgie.^{^}
2) November 1.^{^}