Urkunde Nr. 2690 aus Band V

Seite im UB:

286-287

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2690

1449 Dezember 9 Richter und Rat von Kronstadt und dem ganzen Burzenland bezeugen die Hattertgrenzen der Gemeinde Tartlau.

Nos iudices iuratique cives civitatis Brassouiensis ac totius terrae Barcensis memoriae commendantes significamus tenore praesentium quibus expedit universis, quod constituti coram nobis providi et honesti viri iudex et iurati seniores oppidi Prasmar nobis declarando significarunt, quomodo ipsi ipsorumque progenitores ante longaevi temporis spatium literas a magnifico viro et domini Jacobo quondam vaivoda Transsiluano, qui plena regiae maiestatis suffultus potestate metas communitatem dictorum seniorum concernentem girando circuisset convocatis ad se nobili Nicolao de Nyen commetaneo ceterisque commetaneis senioribus iudicibus de villis circumiacentibus ac Syculis¹⁾, distinctiones metales continentes impetrassent, in quibus certa locorum nomina pro signis distinctione metali nominata et specificata fuissent. Quorum signorum primum est ubi fluvius Tartala²⁾ a retroactis temporibus cecidit et fluxit in fossatum rubeum consequenter sursum protendendo ad dextram, secundum signum ubi fluvius Tartala praefatus intrabat in fluvium Biwerswag³⁾ nominatum ; deinde pervenitur ad tertium signum ubi fluvius Tartala praedictus ab antiquo tempore fluxit [S. 287] in Groscruczbach in angulo Schwarczcles; deinde protenditur sursum ad quartum signum locum videlicet nuncupatum Schawelsham ubi praetactus fluvius Tartala extra antiquum fluxum modo per potentiam et propria vi fluit consequenterque ad quintum signum pervenitur ubi praememoratus fluvius Tartala ab antiquo fluxit infra locum Hwnerbusch⁴⁾ in fluvium Krapbach nuncupatum . Elapsis autem decem annis vel citra ut magis distinctiones metales praedictae ad notitiam successorum deducerentur eaedem literae in quadam notabili congregationi et colloquia multorum puta nobilium Syculorum⁵⁾ iuratorum civium civitatis praefatae ac seniorum totius districtus praetacti per iudicem civitatis praememoratae videlicet Symonem Rudel⁶⁾ lectae fuissent in metis supratactis contradictore ibidem nullo penitus apparente. Subsequenterque revolutione annuali certorum annorum puta sedecim vel citra elapsa adveniente viro magnifico et domino Johanne Jachk comite Syculorum ex commissione regiae maiestatis sibi facta planiciem dictarum metarum peragrante pro distinctione metali iuxta contenta literarum praectactarum colles metales erigere fecissent praetactasque literas serenissimus princeps et dominus dominus quondam Sigismundus Romanorum imperator felicis reminiscentiae pro pace et firma unione cum suis commetaneis habenda ipsis confirmasset et quamquam per multa et diuturna tempora, quae in memoria hominum viventium existunt, ipsi easdem metas iuxta contenta praedictarum literarum possedissent et de praesenti possiderent et easdem literas habuissent, tamen per potentiam ignis qui in ipsorum medio in tantum exrevisset, quod non solum domus et aedificia verum multi homines, qui a facie eiusdem ignis effugere non potuissent, consumti essent et periissent, ⁷⁾ eisdem literis orbati essent. Aduxeruntque pro eo praefati seniores ad nostram praesentiam nobiles viros Tilmannum⁸⁾ de Nyen filium praefati Nicolai commetaneum, Anthonium et Ladislaum de Bodola ipsorum vicinos necnon Petrum Tappar⁹⁾ pridem a viginti quatuor annis iudicem de Feuldwar¹⁰⁾ et Jacobum Longum a triginta sex annis nostrum iuratum concivem ac ceteros seniores de villis ipsis circumiacentibus, qui simul sub sinceritate fidei coram nobis confessi sunt, quod metae iuxta descriptionem praedictam ab antiquo verae metae fuissent de praesenti; subiunxitque firmiter asserendo iamfatus Tilmannus¹¹⁾ commetaneus ibidem principalis praefatas metas veras metas apud progenitores ipsius fuisse et esse usque in diem hodiernum addideruntque praescripti Petrus de Feuldwar¹²⁾ et Jacobus Longus licet seniores et tota communitas de praefata Prasmar ab antiquis temporibus Insula Busaw¹³⁾ nuncupata a parte superiori infra protendendo usque ad locum Schwmerlingxaw¹⁴⁾ vocatum usi et freti fuissent; in ipsorumque possessione extitissent tamen dum praefatus dominus imperator proximo in nostri medio fuisset constitutus certi alieni pro eadem insula suplicassent, quorum petitionibus minime acquievisset, sed ipsam insulam praefatis senioribus suis literis meditantibus dedisset et confirmasset perpetuis temporibus possidendam. Praemissis itaque sic ut praefertur coram nobis pro testimoniali recognitione¹⁵⁾ confessis ea praedictis senioribus ad sui iuris cautelam sub sigilii nostri munimine et eius appensione digne duximus concedenda. Datum feria tertia proxima post festum conceptionis Mariae, anno domini millesimo quadringentesimo quadragesimo nono. [S. 288]


a) Im UB Abbildung der Urkunde auf Tafel VI, unten als »Abb.. ^{^}

1) 1450 u. 1525 Siculis.^{^}
2) 1525 Thartala.^{^}
3) 1525 Bywerswag.^{^}
4) 1525 Hwnerbwsch.^{^}
5) 1525 Siculorum. ^{^}
6) 1525 Simonem Rwdel. ^{^}
7) 1525 perissent. ^{^}
8) 1525 Thilmanum. ^{^}
9) 1525 Thappar.^{^}
10) 1450 Ffeuldwar, 1525 Fewldwar.^{^}
11) 1525 Thilmanus.^{^}
12) 1525 Fewldwar.^{^}
13) 1525 Bwsaw.^{^}
14) 1525 Shwmerlingxaw.^{^}
15) Vorlage recongnitione.^{^}

Abb.