Urkunde Nr. 2693 aus Band V

Seite im UB:

289-290 ^a)

Druckvorlage:

nach Original

Abdruck als:

Volltext

Sprache:

Latein

---

2693

Rom 1449 Dezember 29 Der Kardinalpriester Johannes erteilt der Jakobskirche in Scharosch bei Schenk einen Ablass.

Johannes¹⁾ miseratione divina tituli sancti Laurencii in lucina sacrosanctae Romanae ecclesiae presbiter cardinalis universis et singulis Christi fidelibus praesentes literas inspecturis salutem in domino sempiternam. Splendor paternae gloriae qui sua mundum ineffabili illuminat claritate, pia vota fidelium de ipsius clementissima maiestate sperantium tunc praecipue benigno favore prosequitur, cum devota ipsorum humilitas sanctorum precibus et meritis adiuvatur . Cupientes igitur, ut parochialis ecclesia sancti Jacobi in Schars Strigoniensis diocesis²⁾ congruis²⁾ frequentetur honoribus fidelesque ipsi eo libentius devotionis causa confluant ad eandem quo ibidem coelestis dono gratiae uberius noverint se refectos et a Christi fidelibus iugiter veneretur de omnipotentis dei misericordia et beatorum Petri et Pauli apostolorum eius auctoritate confisi omnibus et singulis vere poenitentibus et confessis, qui dictam ecclesiam in nativitatis, circumcisionis, epiphaniae, resurrectionis, ascensionis, penthecostes, trinitatis et corporis domini nostri Jesu Christi necnon nativitatis, annuntiationis, conceptionis, visitationis, purificationis atque assumptionis beatae Mariae virginis gloriose et sancti Johannis baptistae, Michaelis archangeli apostolorumque Petri et Pauli praedictorum et duodecim apostolorum, quatuor evangelistarum et quatuor ecclesiae doctorum sanctique Georgii ac Laurencii martirum Nicolai et Martini confessorum, Ladislai et Stephani regum, Emerici³⁾ ducis et sanctarum Mariae Magdalenae, Katherinae, Dorotheae, Margarethae virginum, omniumque sanctorum et ipsius ecclesiae dedicationis festivitatibus et celebritate devote visitaverint annuatim et ad reparationem et conservationem aedificii, calicum, librorum et aliorum omnium ornamentorum pro divino cultu inibi necessariorum. Nos cardinalis praefatus pro qualibet die ipsarum festivitatum et celebritate huiusmodi centum dies indulgentiarum de iniunctis eis poenitentiis⁴⁾ misericorditer in dominum relaxamus, praesentibus vero perpetuis futuris temporibus duraturis. In quorum omnium et singulorum fidem et testimonium praemissorum praesentes nostras literas inde fieri nostrique cardinalatus sigilii iussimus et fecimus appensione communiri. Datum Romae, anno a nativitate domini millesimo quadringentesimo quinquagesimo⁵⁾, die vero mensis Decembris vicesimo nono, pontificatus sanctissimi in Christo patris et dominis nostri domini Nicolai divina providentia papae quinti anno tertio.

Auf der Rückseite von gleichzeitiger Hand: Schars.


a) Seitenumbruch in Vorbemerkungen.^{^}

1) In verlängerter Schrift.^{^}
2) Auf Rasur. [2x]^{^}
3) Vorlage Emericii.^{^}
4) is auf Rasur.^{^}
5) So Vorlage. Vgl. die Bemerkung oben.^{^}