Urkunde Nr. 2701 aus Band V

Seite im UB:

295-296

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

2701

Weissenburg 1450 März 28 Der öffentliche Notar Paulus Pauli von Kronstadt bezeugt, dass das Weissenburger Kapitel Antonius, den Pfarrer von Hermannstadt, und Georg, Pfarrer von Mühlbach, zu seinen Prokuratoren in der Angelegenheit gegen den Weissenburger Propst Andreas bestellt hat.

In nomine domini amen. Anno nativitatis eiusdem millesimo quadringentesimo quinquagesimo, indictione tredecima, die vero Saturni, vigesimo octavo mensis Marcii, hora tertia vel quasi in ecclesia Albensi Transsiluanensis diocesis a parte meridionali constructa pontificatu beatissimi in Christo patris et domini nostri domini Nicolai divina providentia papae quinti, anno sedis eius quarto, in mei notarii publici testiumque infrascriptorum ad haec vocatorum et rogatorum praesentia personaliter constitutum venerabile capitulum dictae ecclesiae Transilvanae tamquam unum membrum omni modo via iure causa quibus melius et efficacius fieri potuit et debuit, fecit, constituit et sollemniter ordinavit suos veros certos legitimos et indubitatos procuratores, actores, factores negotiorumque suorum gestores ac nuntios speciales ita tamen quod specialiter generalitati non deroget aut e contra videlicet honorabiles ac egregios viros dominum Anthonium plebanum de Cybinio et dominum Georgium plebanum de Zazzebes decretorum doctores ac canonicos ecclesiae Transsilvanae antedictae absentes tamquam praesentes et quemlibet eorum insolidum ita quod non sit melior conditio occupantis nec deterior subsequentis sed quod unus eorum receperit¹⁾ alter eorundem prosequi mediare valeat pariterque finire dans et concedens eisdem suis procuratoribus plenam et omnimodam facultatem et mandatum generale et speciale ad comparendum pro ipso et eius nomine coram quocumque iudice ordinario et extraordinario delegato vel subdelegato dato vel dando tam spirituali quam seculari in quacumque curia etiam in curia Romana vel extra contra quascumque personas ecclesiasticas seu seculares cuiuscumque status et conditionis existant et signanter contra dominum Andream praepositum saepedictae ecclesiae Transsilvanae in causa seu causis versis sive vertendis ad infuturum verti sperantibus necnon ad agendum defendendum et procurandum libellum seu libellos et quascumque alias petitiones <supra>²⁾ dandi, offerendi ac recipiendi, conveniendi et requirendi, capiendi, replicandi et triplicandi si necesse fuerit [ ]³⁾ litem seu lites contestanda de calumia [S. 296] vitanda et veritate dicenda et cuiuslibet alterius⁴⁾. Acta et facta sunt haec anno, indictione, die, mense, hora, loco et pontificatu quibus supra. Praesentibus ibidem honorabilibus et discretis viris Clemente rectore altaris sancti Martini (episcopi) et confessoris [ ]⁵⁾ de Megies capellano, Ladislai archidiaconi Sathmariensis clericis Transsilvanensi et Chanadiensi diocesibus ac Lodovico de Bvda capellano archidiaconi de Ozd, clerico Wesprimiensi diocesis aliisque quam pluribus testibus ad praemissa vocatis pariter et rogatis.

Notarzeichen. Et ego Paulus Pauli Braschoviensis, clericus Strigoniensis diocesis sacra imperiali auctoritate notarius publicus, quia praemissis procuratorum constitutioni et citationi aliisque omnibus et singulis praemissorum dum sic ut praemittitur fierent et agerentur unacum testibus praenominatis ad praesens interfui atque omnia et singula sic fieri vidi et audivi ideo praesens instrumentum publicum manu propria conscriptum exinde confeci signoque et nomine meis solitis et consuetis consignavi in fidem et testimonium omnium praemissorum rogatus pariter et requisitus.


1) Undeutlich.^{^}
2) Lücke 2,1 cm.^{^}
3) Lücke 1,5 cm.^{^}
4) Lücke über 19 Zeilen des lateinischen Textes, der unleserlich ist.^{^}
5) Lücke 2 cm.^{^}