Urkunde Nr. 2709 aus Band V

Seite im UB:

300-301

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 20.

Druckvorlage:

nach Original

Abdruck als:

Volltext

Sprache:

Latein

---

2709

Rom 1450 Juni 7 Papst Nikolaus V. verleiht der Marienkirche in Kronstadt einen Ablass.

[S. 301]Nicolaus¹⁾ episcopus servus servorum dei universis Christi fidelibus praesentea literas inspecturis salutem et apostolicam benedictionem. Dum praecelsa me ritorum insignia quibus regina coelorum virgo dei genitrix gloriosa sedibus praelata sidereis quasi stella matutina praezutilat devote considerationis indagine perscrutamur dum etiam intra pectoris nostri archana revoluimus, quod ipsa utpote mater misericordiae, gratiae et pietatis, amica humani generis, consolatrix pro salute fidelium, qui delictorum onere praegravantur sedula oratrix ad regem quem genuit intercedit dignum quin potius debitum arbitramur, ut ecclesias in sui nominis honore dedicatuas gratiosis remissionum prosequamur impendiis et indulgentiarum decoremus muneribus. Cupientes igitur ut parochalis ecclesia beatae Mariae virginis oppidi de Corona alias Brascha Strigoniensis diocesis, quae ut accepimus ab inimicis cristiani nominis perfidis Theucris in suis aedificiis et structuris pluries destructa ac ornamentis ecclesiasticis necnon literis praesertim certarum indulgentiarum Christi fidelibus dictam ecclesiam devote visitantibus annuatim per felicis recordationis Martinum papam V, praedecessorem nostrum concessis spoliata fore dinoscitur congruis honoribus frequentetur et etiam in suis aedificiis et structuris huiusmodi reparetur ac ornamenta ecclesiastica acquiranlur. Et ut fideles ipsi eo libentius causa devotionis confluant ad eandem ac ad reparationem et aquisitionem huiusmodi manus promptius porrigant adiutrices, qui ex hoc ibidem dono coelestis gratiae uberius conspexerint se refectos de omnipotentis dei misericordia ac beatorum Petri et Pauli apostolorum eius auctoritate confisi omnibus vere poenitentibus et confessis, qui in visitationis beatae Mariae virginis festivitate dictam ecclesiam devote visitaverint annuatim necnon ad reparationem aedificiorum et structurarum ac ornamentorum ecclesiasticorum acquisitionem huiusmodi manus adiutrices porrexerint seu alias inibi pias elemosinas erogaverint, ut praefertur, septem annos et totidem quadragenas octavarum vero praedictae festivitatis singulis diebus centum dies de iniunctis eis poenitentiis misericorditer relaxamus. Praesentibus perpetuis futuris temporibus duraturis. Volumus autem, quod si alias visitantibus dictam ecclesiam aut ad eius reparationem seu ornamentorum acquisitionem manus porrigentibus adiutrices vel alias inibi pias elemosinas erogantibus aut alias aliqua alia indulgentia in perpetuum vel ad certum tempus nondum elapsum duratura per nos concessa fuerit, praesentes literae nullius constant roboris vel momenti. Datum Romae apud sanctum Petrum, anno incarnationis dominicae millesimo quadringentesimo quinquagesimo, septimo Idus Junii, pontificatus nostri anno quarto.

Darunter gleichzeitig aber mit anderer Hand und Tinte: M. Johannes Rewdel.

Unter der Plica links: Rinucius, rechts Mar.

Auf der Plica links: Regestrata gratis. Darunter: Pe de Bonitate.

Auf der Rückseite: Regestrata de Feletis.

Am Rande rechts, verwischt: Ranucius, P. de Legendorff.

Auf der Rückseite von der Kanzlei: Indulgentia Braschouien.

Von Hand des späten 15. Jh. s.: M. Johannes Rewdel tempore anni jubilei impetivit, qui scribebatur M^o CCCC L^mo.


1) In verlängerter Schrift.^{^}
2) Das e in den Bogen des P eingeschrieben.^{^}